काठमाडौँ । वर्तमान सरकारको पहिलो प्रहार सुकुम्बासीमाथि भएको नेकपा (मसाल) का महामन्त्री मोहनविक्रम सिंहले बताउनु भएको छ ।
सिंहले अखिल नेपाल ट्रेड युनियन (अन्टुक)ले आयोजनामा सम्पन्न १३७औँ मजदुर दिवस कार्यक्रमलाई सम्बोधन गर्दै, आफ्ना फासिस्ट क्रियाकलापलाई संवैधानिक रुप दिन संविधान संशोधन गर्ने प्रयास भइरहहेको बताउनु भयो । प्रतिक्रान्तिका बिच समाजवादले उपलब्धि हासिल गरेको बताउनु एतिहाँसिक पक्ष पनि राख्नुभएको थियो ।
‘में दिवसको अन्तर्राष्ट्रिय महत्व छ र नेपालमा पनि त्यसको गम्भिर महत्व छ ।’ सिंहले अगाडि भन्नुभयो– ‘नेपालको मजदुर आन्दोलन पनि समाजवाद, साम्यवादतर्फ लक्षित छ ।’ सिंहले क्रान्तिकारी आन्दोलनमा अगाडि बढ्न मे दिवसले महत्वपूर्ण शिक्षा र प्रेरणा दिएको बताउनु भयो ।
वर्तमान राजनीतिक सन्दर्भमा बोल्दै सिंहले नेपालमा जनआन्दोलनबाट प्राप्त उपलब्धिलाई उल्टाउन प्रयास भइरहेको बताउनु भयो । ‘जेनजीको सही आन्दोलनलाई पनि साम्राज्यवादले हाइज्याक गर्यो । त्यसको परिणाम स्वरुप राजनीतिमा अमेरिकी साम्राज्यवाद हावी भएको छ ।’
सिंहले अमेरिकाले आफ्नो प्रत्यक्ष नेतृत्व रहेको देशहरूमा फसिवादी शासन कायम गरेको बताउनु भयो । ‘बालेन शाहको नेतृत्वमा चलेको सरकारको एक महिनाको शासनमा नै फासिवादी रुझान देखापरेको छ । ट्रेड युनियन, स्ववियु, प्रेसमाथिको अंकुश त्यसको परिणाम हो’ सिंहले भन्नुभयो ।
‘संविधानको मूल आत्मालाई समाप्त गर्ने प्रयास, त्यसको एउटा माध्यम राष्ट्रपतिय प्रणालीमा लैजानु अहिलेको संविधान संशोधनको मूल उदेश्य यही हो ।’ महामन्त्री सिंहले अगाडि भन्नुभयो– ‘राष्ट्रपतीय प्रणाली एक व्यक्तिको शासन हो । देशमा तानाशाही शासन कायम गर्नु हो ।’
नयाँ जनवादी समाजवादी र साम्यवादी व्यवस्थामा पुगेर मात्र मजदुर आन्दोलन रोकिने सिंहले बताउनु भयो ।
