बरेङ, माघ १९ गते । बागलुङ क्षेत्र नं १ का साझा बाम उम्मेदवार कृष्ण अधिकारीलाई बिजयी गराउन चुनावी अभियान अन्तरगत सोमबार बागलुङको बरेङ गाउँपालिका स्तरीय संयुक्त भेला सम्पन्न भएको छ ।
भेलाका प्रमुख अतिथि तथा साझा बाम उम्मेदवार कृष्णप्रसाद अधिकारीले प्रतिबद्धता मन्तव्य राखेका थिए । भेलामा नेपाली कम्युनिस्ट पार्टीका केन्द्रीय सदस्य बलावती शर्मा, कृष्ण केसी, राष्ट्रिय जनमोर्चाका केन्द्रीय सदस्य राजेन्द्र ढुङगाना, क्षेत्रीय निर्वाचन परिचालन समितिका संयोजक तिलक थापा लगायतले मन्तव्य राखेका थिए ।
रुपनारायण शर्माको संयजत्वमा रहने गरि सहसंयोजक रहने गरि आठ सदस्यीय निर्वाचन परिचालन समिति गठन गरिएको छ । जसमाः सकस बहादुर क्षेत्री, खडक बहादुर पुन्, चित्र बहादुर शेरपुर्जा, टेक बहादुर शेरचन, यम बहादुर बि.क., जन बहादुर खत्री र लाल बहादुर पुन सदस्य रहनुभएको छ ।
त्यस्तै युवा मोर्चा तर्फबाट प्रेम बहादुर थापा संयोजक रहने गरि चुडामणि शर्मा पौडेलको सहसंयोजकत्वमा युवा मोर्चाको चुनाव प्रचारक समिति चयन गरेको छ ।
महिला चुनाव प्रचार तर्फबाट तुलसी बस्याल संयोजक अमृता परियार सहसंयोजक रहने गरि चुनाव प्रचार समिति चयन गरेको छ ।
पालिका भेला निर्वाचन परिचालन समिति जैमिनीका संयोजक रुप नारायण शर्माको अध्यक्षता, क्षेत्रिय निर्वाचन परिचालन सदस्य कृष्ण सापकोटाको सञ्चालनमा सम्पन्न भएको थियो ।
यसै गरि बरेङमा राष्ट्रिय जनमोर्चा र नेकपाको संयुक्त सम्पर्क कार्यालय समेतको क्षेत्र नं १ का साझा बाम उम्मेदवार कृष्ण अधिकारीद्वारा उद्घाटन गरिएको छ ।
