मेघराज भट्टराई, दाङ ।
पार्वता स्मृति साहित्य प्रतिष्ठान दाङको आयोजनामा आमा पार्वता पाण्डेको तेस्रो स्मृतिदिवसको अवसरमा एकदिने स्वास्थ्य जाँच तथा निस्शुल्क औषधी वितरण गरिएको छ ।
२०८२ माघ ३ गते शनिबार घोराही उपमहानगरपालिका–१० मा सो कार्यक्रम सम्पन्न भएको हो ।
कार्यक्रममा पार्वता मेडिकल हलद्वारा निस्शुल्क औषधी वितरण गर्नुका साथै एक सय ३५ जना रोगीको निस्शुल्क उपचार गरिएको थियो ।
सो अवसरमा नेपाल पत्रकार महासङ्घका केन्द्रीय सचिव सबिन प्रियासन, सिस्नुपानी दाङका अध्यक्ष डा। लोकराज पराजुली, राष्ट्रिय जनमोर्चाका केन्द्रीय सदस्य गणेश आचार्य, टोलका अध्यक्ष भेषबहादुर रावत, राजमो दाङका मेघराज भट्टराई, वाम बुद्धिजीवी शशिधर भण्डारीलगायतका साहित्यकार तथा बिभिन्न बुद्धीजीवीको उपस्थिति रहेको थियो ।
कार्यक्रममा मेडिकल सञ्चालक शिवराज पाण्डे, अनिल कुमार, प्रतिष्ठानकी अध्यक्ष तथा आमा पार्वताकी बुहारी देवी पाण्डे र संरक्षक सुरेशकुमार पाण्डेको पहलमा आफ्नी आमा स्मृतिशेष पार्वता पाण्डेको पनि उपस्थिति रहेको थियो ।
प्रतिष्ठानले आमाको सम्झनामा नियमित यस्ता कार्य सञ्चालन गर्दै आएको छ । सरकारी स्कुलमा एक लाखको अक्षयकोष खडा गरेर उत्कृष्ट विद्यार्थीलाई प्रत्येक वर्ष सम्मान गर्दै आएको बताएको छ । त्यस्तै, बेलाबेलामा ८० वर्ष उमेर पुगेका वृद्धालाई सल ओढाएर सम्मान पनि गर्दै आएको बताइएको छ ।
