कावासोती । राष्ट्रिय जनमोर्चा नवलपुरले श्रद्धाञ्जली कार्यक्रम सम्पन्न गरेको छ ।
राजमो नवलपुरका सदस्य तथा कावासोती नगरका अध्यक्ष डम्मर क्षेत्रीकी ममतामयी आमा देवकला क्षेत्रीको निधन भएपछि २०८२ माघ २ गते सो कार्यक्रम सम्पन्न गरिएको हो ।
स्मृतिशेष क्षेत्रीको निधन भएको सातौँ दिन आयोजित सभा जिल्ला अध्यक्ष गिरबहादुर महतराको अध्यक्षता र अखिल नेपाल ट्रेड युनियन महासङ्घ (अन्टुक) केन्द्रीय सदस्य शालिकराम सापकोटाको सञ्चालन अघि बढेको थियो ।
कार्यक्रममा राजमो केन्द्रीय सदस्य भागीरथ भट्टराई र नेकपा (मसाल) नवलपुरका प्रवक्ता चन्द्र सापकोटाले शोकमन्तव्य राख्नुभएको थियो ।
तराई मधेस जनवादी मोर्चाका केन्द्रीय सदस्य रूपनारायण महतो, अखिल नेपाल जनजाति सम्मेलनका जिल्ला अध्यक्ष विकाराम चौधरी, अखिल नेपाल किसान महासङ्घ (अप्फा) का जिल्ला कोषाध्यक्ष छविलाल सापकोटा र अप्फाकै सहसचिव विष्णु गिरी, राजमो मध्यबिन्दुका सदस्य रामप्रसाद पोख्रेललगायतको उपस्थिति रहेको थियो ।
