लक्ष्मण बेलबासे, काठमाडौँ ।
नेपाल पत्रकार महासङ्घका पूर्व केन्द्रीय सभापति होमनाथ दाहालप्रति काठमाडौँ जिल्ला समितिले श्रद्धाञ्जली व्यक्त गरेको छ ।
२०८२ पुस २८ गते सोमबार औपचारिक कार्यक्रम सम्पन्न गर्दै महासङ्घले श्रद्धाञ्जली दिएको हो ।
पुस २५ गते भएका दाहालको निधनले नेपाली पत्रकारिता क्षेत्र, प्रेस तथा अभिव्यक्ति स्वतन्त्रता र लोकतान्त्रिक आन्दोलनले एक अनुभवी र अभिभावकीय व्यक्तित्व गुमाएको महासङ्घ काठमाडौँले जनाएको छ ।
श्रद्धाञ्जली कार्यक्रममा महासङ्घ काठमाडौँ शाखाकी अध्यक्ष शोभा अर्याल, केन्द्रीय सदस्य सूर्य सुवेदी, उपाध्यक्ष कमल राना, सहसचिव विक्रम रत्न, सदस्य चेतनारायण बेलवासेलगायत शाखाका पदाधिकारी तथा सदस्यको सहभागिता रहेको थियो ।
कार्यक्रममा वक्ताहरूले स्मृतिशेष दाहालले नेपाली पत्रकारिता र लोकतान्त्रिक मूल्य स्थापनाका लागि पुर्याएको योगदानको स्मरण गर्दै उहाँको योगदान इतिहासमा सदैव अमिट रहने बताए ।
महासङ्घ काठमाडौंका सहसचिव विक्रम रत्नले सञ्चालन गरेको उक्त कार्यक्रममा स्मृतिशेष दाहालप्रति एक मिनेट मौनधारण गर्दै श्रद्धाञ्जली अर्पण गरिएको थियो ।
