मेघराज भट्टराई, दाङ ।
राष्ट्रिय जनमोर्चा घोराही नगर समितिका सचिव बलदेव विकका बुबा रामबहादुर विकको श्रद्धाञ्जली सभा सम्पन्न भएको छ ।
२०८२ पुस २१ गते सोमबार राजमो केन्द्रीय सदस्य तथा दाङ जिल्ला अध्यक्ष गणेश आचार्यको उपस्थितिमा सो कार्यक्रम सम्पन्न भएको हो ।
मृतकका जेठा छोरा तथा नगर बलदेवको अध्यक्षतामा अघि बढेको कार्यक्रममा मन्तव्य राख्दै आचार्यले आफ्नो पार्टीसदस्य गुमाउँदा मर्माहत भएको बताउनुभयो ।
अखिल नेपाल जनजाति सम्मेलनका केन्द्रीय सचिव रामबहादुर जिएमले आफ्ना सन्तानलाई सत्कर्ममा लगाउने बुबा महान् र अविश्मरणीय हुने दाबी गर्नुभयो ।
अखिल नेपाल प्रगतिशील लेखक सङ्घ (अन्पा) का लुम्बिनी प्रदेश उपाध्यक्ष सुरेशकुमार पाण्डेले संसारमा कैयौँ मान्छे मरेर पनि बाँचेको महसुस हुने बताउनुभयो ।
सभामा राजमो दाङका जिल्ला सदस्य चन्द्रबहादुर नेपाली, जातीय समता समाज दाङका अध्यक्ष सूर्यलाल नेपाली, दलित सङ्घ दाङका अध्यक्ष बाबुराम विक, मृतकका भाइ मानबहादुर विक, सम्धी डिल्लीबहादुर विक, बहिनी तथा कोहलपुर नगरको कार्यपालिका सदस्य सुनिता विकलगायतले मन्तव्य राख्नुभएको थियोे ।
कार्यक्रममा राजमो दाङका जिल्ला सदस्यहरू चन्द्रबहादुर रावत र मेघराज भट्टराई, राजमो घोराही नगर कोषाध्यक्ष झबिलाल कालाथोकी, सदस्य शुद्धबहादुर बाठा, जनजाति सम्मेलनका जिल्ला कोषाध्यक्ष शेरबहादुर पुन, अखिल नेपाल महिला सङ्घ घोराहीकी नगर उपाध्यक्ष सुशीला नेपाली, समता समाज दाङका जिल्ला सदस्य छवि विकको आतिथ्य रहेको थियोे ।
समता समाज दाङका कोषाध्यक्ष पोषण नेपालीले सञ्चालन गर्नुभएको सो कार्यक्रममा परिवारका सम्पूर्ण सदस्यको परिचय तथा आसनग्रहणपछि जेठा छोरा बलदेवले बुबाको परिचय गराउनुभएको थियोे ।
