काठमाडौँ । काठमाडौँ महानगरपालिकास्थित चाबहिल, गौशाला तथा तिलगङ्गा इलाकामा सर्वसाधारणसित अभद्र व्यवहार गर्नेलाई काठमाडौँ प्रहरीले पक्राउ गरेको छ ।
काठमाडौँ जिल्ला प्रहरी कार्यालयका अनुसार पर्यटक तथा अन्य सर्वसाधारण मानिसलाई बलजफती विभिन्न प्रलोभनमा पारी लुटपाट गर्ने, दु:खहैरानी दिने तथा अभद्र व्यवहार गर्ने गरेको भन्ने सूचनाको आधारमा प्रहरी वृत्त गौशालाबाट खटिएको प्रहरी टोलीले पक्राउ गरेको हो ।
प्रहरीका अनुसार निज १२ जनालाई नियन्त्रणमा लिई जिल्ला प्रशासन कार्यालय काठमाडौँबाट म्याद थप गरी अनुसन्धान भइरहेको छ।
पक्राउ परेकाहरू
१. जिल्ला नुवाकोट, विदुर नगरपालिका १३ बस्ने वर्ष २८ को अमृत खड्का
२. जिल्ला पर्सा, बहुदरमाई नगरपालिका विश्रामपुर बस्ने वर्ष १९ को अकलेश साह
३. जिल्ला पर्सा, बहुदरमाई नगरपालिका विश्रामपुर बस्ने वर्ष ३१ को दिनेश पटेल
४. जिल्ला काभ्रेपलान्चोक, रोशी गाउँपालिका ६ बस्ने वर्ष १९ को सुजन तामाङ
५. जिल्ला रोल्पा, माडी गाउँपालिका ५ बस्ने वर्ष २२ को प्रविन ओली
६. जिल्ला काभ्रेपलान्चोक, पाँचखाल नगरपालिका ७ बस्ने वर्ष १९ को रोजन तामाङ
७. जिल्ला कञ्चनपुर, कृष्णपुर नगरपालिका ६ बस्ने वर्ष २१ को जितेन्द्रसिंह विक
८. जिल्ला धनकुटा, धनकुटा नगरपालिका ३ कागते बस्ने वर्ष २५ को रोशनी राई
९. जिल्ला झापा, भद्रपुर नगरपालिका ९ बस्ने वर्ष २६ को तीर्थ राजवंशी
१०. जिल्ला उदयपुर, त्रियुगा नगरपालिका ९ बस्ने रचना मगर
११. जिल्ला सुर्खेत, चौकुने गाउँपालिका ८ बस्ने वर्ष २१ की जेनिसा थापा
१२. जिल्ला झापा, काकडभिट्टा नगरपालिका ३ बस्ने वर्ष ३० की सङ्गिता तामाङ
