काठमाडौँ । अखिल नेपाल जनजाति सम्मेलनले महिलानेतृ तथा सम्मेलनका केन्द्रीय वरिष्ठ उपाध्यक्ष केबी थापाकी पत्नी नन्दकुमारी थापाको निधनप्रति श्रद्धाञ्जली व्यक्त गरेको छ ।
अध्यक्ष निमबहादुर बुढाथोकीको हस्ताक्षरमा २०८२ मङ्सिर १९ गते शुक्रबार शोकवक्तव्य जारी गर्दै सम्मेलनले श्रद्धाञ्जली तथा शोकसन्तप्त परिवारप्रति समवेदना व्यक्त गरेको हो ।
शोकवक्तव्यमा भनिएको छ– “बागलुङ जैमिनी नगरपालिका–४ जैदीकी महिलानेतृ नन्दकुमारी थापा (देवी) को २०८२ मङ्सिर १८ गते उपचारको क्रममा कास्कीपोखरास्थित मणिपाल अस्पतालमा निधन भएको छ । ७३ वर्षीया नन्दकुमारी हाम्रो सङ्गठन अखिल नेपाल जनजाति सम्मेलनका केन्द्रीय वरिष्ठ उपाध्यक्ष केबी थापाकी पत्नीसमेत हुनुहुन्थ्यो ।
उहाँको निधनबाट हाम्रो सङ्गठनलाई पनि गम्भीर क्षति भएको छ । दु:खको यस घडीमा हामी नन्दकुमारी थापाप्रति भावपूर्ण श्रद्धाञ्जली तथा शोकसन्तप्त परिवारप्रति समवेदना व्यक्त गर्दछौँ ।”
