भालुवाङ । ऐरावती यातायात प्रा.ली. भालुवाङको तेस्रो महाधिवेशन शनिवार सम्पन्न भएको छ । राप्ती गाउ“पालिका १ शान्तिपुर पिपलटारीमा संस्थापक अध्यक्ष एवम् अधिवेशनका अध्यक्ष डुकमान रोका मगरले पानसमा मैनबक्ति बालेर उद्घाटन गर्नुभएको हो ।
ऐरावती यातायात प्रा.ली. अन्तर्गत हाल २८१ जना अटो रिक्शा व्यवसायी आबद्ध रहेका छन् । उक्त महाधिवेशनलाई राप्ती गाउ“पालिका १ का वडा सदस्य तथा अटो व्यवसायी चुमानसिंह खत्री, मोहन आचार्य, स्वर्गद्धारी (प्युठान) इन्चार्ज देबेन्द्रप्रसाद बुढामगर, दुर्घटना इन्चार्ज कुल बहादुर कुमाल, अटो चालक खगेन्द्र खत्री, लालमटिया इन्चार्ज राजकुमार चौधरी, भालुवाङ इन्चार्ज लिलाबहादुर सार्की, सरुमारानी इन्चार्ज पुजन विश्वकर्मा, मौरीघाट इन्चार्ज गोविन्द मगर तथा संस्थाका इन्चार्ज खाम्चा मगर लगायतले शुभकामना दिनुभएको थियो ।
अटो व्यवसायी पदम सुुबेदीको सञ्चालन र तोरण कुमालको स्वागत मन्तव्यबाट सुरुभएको उद्घाटन समारोहमा सहिदप्रति १ मिनेट मौनधारण गर्नुका साथै राष्ट्रिय गान समेत गाइएको थियो ।
महाधिवेशनले सुमनराज खनालको अध्यक्षतामा ११ सदस्यीय नयाँ कार्यसमितिको चयन गरेको छ । जसको उपाध्यक्षमा चुमान सिंह के.सी., सचिव तोरण कुमाल, कोषाध्यक्ष लिलाबहादुर सार्की र सदस्यहरूमा बिनोद सिंह गुरुङ, मेघ बहादुर सोमै मगर र वसन्त महतरा लगायत हुनुहुन्छ ।
