बुटवल । लुम्बिनी प्रदेशसभामा निर्वाचित भएको तीन वर्षको अवधिमा शून्य, विशेष र सैद्धान्तिक विषयमा बोल्ने सांसदहरूको सूची हेर्दा गुल्मीकी सांसद तारा थापा सबैभन्दा अगाडि हुनुभएको छ । उहाँ राष्ट्रिय जनमोर्चाको सामानुपातिकबाट लुम्बिनी प्रदेश सभामा पुग्नुभएको हो ।

२०७९ मङ्सिर १८ गतेदेखि २०८२ असार १८ गतेसम्म लुम्बिनी प्रदेशसभामा थापाले सर्वाधिक बोलेको पाइएको छ । सांसद थापाले तीन वर्षको अवधिम ३१ पटक बोलिसक्नु भएको छ । उहाँले महंगी, भ्रष्टाचार, व्यथिति, विभिन्न स्थानमा विकास निर्माण, राज्यव्यवस्था, संघीयताले नेपाली समाजमा पारेको दुस्प्रभाव, संघीयता खारेजी, महिला हिंसा, जातिय विभेद, समाजमा भइरहेका अन्याय अत्याचार लगायतका विभिन्न विषयमा पार्टीको धारणा संसदमा राख्दै आउनुभएको थापाले युगदर्शनलाई बताउनु भयो।

लुम्बिनी प्रदेशसभाको अधिवेशन भदौमा अन्त्य भए पनि बजेट पारित भएपछि बैठक नबसेको प्रदेशसभा सचिव दुर्लभकुमार पुन मगरका अनुसार भदौ अन्त्यमा घोषणा गरिएको प्रदेशको सातौँ अधिवेशन हिजोबाट मात्र सुरु भएको छ ।