खलंगा (प्युठान) । अखिल नेपाल युवक संघ प्यूठान जिल्ला सदस्य तथा स्वर्गद्वारी नगर युवक संघ अध्यक्ष तिलक बिस्टकी ममतामयी आमा देवी बिस्टको १३औँ दिनको श्रद्धाञ्जली सभा सम्पन्न गरिएको छ ।
कार्यक्रम राष्ट्रिय जनमोर्चा प्युठान जिल्ला सदस्य तथा स्वर्गद्वारी नगर उपप्रमुख मिनराज राना मगरको प्रमुख आतिथ्यतामा सम्पन्न भएको थियो । रानाले सो श्रद्धाञ्जली सभालाई सम्बोधन गर्दै– जन्म–मृत्यु प्रकृतिको नियम हो तर कस्को कति योगदानयुक्त थियो भन्ने नै मुख्य कुरा हो । देवी बिस्ट समाजसेवी व्यक्तित्व हुनुहुन्थ्यो । उहाँको सम्झना सधैं अमर रहने बताउनु भयो ।
त्यस्तै युवक मोर्चा केन्द्रीय कोषाध्यक्ष तथा जिल्ला अध्यक्ष कमल पौडेल, युवक मोर्चा केन्द्रीय सदस्य बसन्त केसी, राष्ट्रिय जनमोर्चा जिल्ला सदस्य तथा वडा नं. ६ का अध्यक्ष गिरबहादुर गुरुङ, किसान संघ जिल्ला उपाध्यक्ष यमप्रसाद गोराथोकी, युवक संघ जिल्ला सदस्य मिनराज पुन, उर्मिला वाइवा, नगर कोषाध्यक्ष शिव पन्थी, राजमो वडा अध्यक्ष सालिकराम पार्धे, युवक संघ नगर उपाध्यक्ष तिलक पुन, सदस्य डोमाराम केसी, समाजसेवी भुवनश्वर पौडेल, जननिर्वाचित वडा सदस्य भावना बिस्टको आतिथ्यता रहेको थियो ।
त्यसैगरी, घरपरिवारबाट छोरा लीलबहादुर बिस्ट, केसबबहादुर बिस्ट, छोरीः निर्मा पुन, यमुना भण्डारी, बिपना पुन, बुहारी हरिकला बिस्ट लगायतका परिवारजन तथा सहभागी अतिथिहरूले दिवंगत देवी बिस्टको स्मृतिमा आफ्ना श्रद्धाञ्जली मन्तव्यहरू राख्नुभएको थियो ।
कार्यक्रममा स्मृतिशेष देवी बिस्टको सम्झनामा एक मिनेट मौनधारण गरिएको थियो । कार्यक्रमको अध्यक्षता तुलसीराम युवकले गर्नुभएको थियो भने सञ्चालन मोहन गोराथोकीले गर्नुभएको थियो ।
