गोविन्दकुमार शर्मा, काठमाडौँ ।

नेपाल पत्रकार महासङ्घ काठमाडौँ शाखाले रक्तदान कार्यक्रम सम्पन्न गरेको छ । २०८२ मङ्सिर ६ गते शनिबार भृकुटीमण्डपस्थित जिल्ला कार्यालयमा रक्तदान कार्यक्रम सम्पन्न भएको हो ।

कार्यक्रमको आरम्भ महासङ्घ काठमाडौँकी अध्यक्ष शोभा अर्याल तथा सचिव रमेश बोहोराले रक्तदान गरेपछि भएको थियो । त्यसपछि ५५ जनाले रक्तदान गरेका थिए ।

कार्यक्रम सम्पन्न भएसँगै रक्तदानलाई सफल बनाउन अहोरात्र खटिने शाखाका पदाधिकारी तथा सदस्य नै शाखाका ‘वास्तविक खम्बा’ रहेको बताउँदै शाखाकी अध्यक्ष अर्यालले सबैप्रति कृतज्ञता व्यक्त गरिन् ।

रक्तदान जीवनदान भएको बताउँदै अर्यालले ‘जेनजी’ प्रदर्शनपछि रेडक्रस र अस्पतालमा देखिएको रगत अभावमा सहयोग पुगोस् भन्ने उद्देश्यले कार्यक्रम आयोजना गरिएको दाबी गरिन् ।

त्यस्तै, महासङ्घकी केन्द्रीय अध्यक्ष निर्मला शर्माले सहभागी सबैलाई प्रमाणपत्र प्रदान गर्दै जिल्ला शाखाले निरन्तर गर्दै आएको रचनात्मक तथा मानवीय कार्यको प्रशंसा गरिन् ।

कार्यक्रममा केन्द्रीय महासचिव रामप्रसाद दाहाल, मधेस प्रदेशका वरिष्ठ उपाध्यक्ष अम्बिका दाहाल, उपत्यका प्रदेश अध्यक्ष टेनिस रोका, एमाले नेतृ बिन्दा पाण्डे, प्रेस चौतारी अध्यक्ष गणेश पाण्डे, प्रेस सेन्टरका सचिव सुरेन्द्र चालिसे, पत्रकार महासङ्घ काठमाडौँका पूर्व अध्यक्ष ईश्वरी वाग्ले, युवराज विद्रोही, सूर्य सुवेदी, प्रेस सेन्टर प्रदेश अध्यक्ष लोकेश लिम्बूको उपस्थिति थियो ।

त्यस्तै कार्यक्रममा प्रगतिशील पत्रकार सङ्घका बागमती प्रदेश उपाध्यक्ष तथा महासङ्घका सदस्य गोविन्दकुमार शर्मा, प्रगतिशीलकै काठमाडौँ जिल्ला सचिव तथा महासङ्घ काठमाडौँका सदस्य लक्ष्मण बेलबासे, प्रेस युनियन काठमाडौँ अध्यक्ष महेश्वर गौतम, प्रेस सेन्टर काठमाडौँका अध्यक्ष राममणि घिमिरे, प्रेस चौतारी काठमाडौँ अध्यक्ष लक्ष्मण शर्मा, समाजवादी प्रेस सङ्गठन काठमाडौँका अध्यक्ष भीम लामा, समाजवादीकै ललितपुर अध्यक्ष निरोज तोलाङ्गे, महासङ्घ ललितपुर अध्यक्ष रामहरि कार्की, महासङ्घ भक्तपुर अध्यक्ष सुन्दर शिल्पकार, प्रेस सेन्टर भक्तपुर अध्यक्ष मदन ढुङ्गाना, जनसवाल दैनिकका रामजी बगाले, एल.एस. लामालगायत सहभागी थिए ।