कृष्ण केसी (चितवन) ।
चितवनमा अखिल नेपाल किसान महासङ्घ (अप्फा) को कालिका नगर भेला सम्पन्न भएको छ ।
२०८२ मङ्सिर ६ गते शनिबारका दिन (अप्फा)का केन्द्रीय सल्लाहकार विष्णु पौडेलको प्रमुख आतिथ्य र राष्ट्रिय जनमोर्चाका केन्द्रीय सदस्य डम्वर पुरी विशिष्ठ आतिथ्यतामा सो भेला सम्पन्न भएको हो ।
सङ्घका जिल्ला सल्लाहकार नारायण पौडेलले सञ्चालन गरेको सो भेला जेष्ठ किसान भविश्वर पौडेलको अध्यक्षयतामा बस्यो ।
अतिथिमा रक्तिमका सदस्य गोपाल पौडेल, अखिल नेपाल महिला सङ्घकी सहसचिव माया पौडेल, किसानका जिल्ला सदस्य नैनासिंह कार्की हुनुहुन्थ्यो ।
भेलामा शुभकामना दिने क्रममा सङघका केन्द्रीय सल्लाहकार विष्णु पौडेलले वास्तविक किसानका समस्या समाधान गर्ने सरकार अहिलेसम्म नआएको खालि नक्कली किसान, बिचौलिया र किसान ठग दलालहरूको सरकार रहेको कुरा बताउनुभयो ।
वास्तविक किसान र सुकुम्बासीरू सङ्गठित भए मात्र देशले मुहार फेर्ने कुरा बताउनुभयो ।
त्यसैगरी राजमोका केन्द्रीय सदस्य डम्वर पुरीले सही राजनीतिक पार्टीको मातहतमा रहेर सङ्ंगठित भए मात्र किसानले आफ्ना हक अधिकार प्राप्त गर्ने कुरा बताउनुभयो भेलालाई शुभकामना दिनेहरूमा रक्तिमका गोपाल पौडेल, महिला सङ्घकी माया पौडेल हुनुहुन्थ्यो ।
भेलाले नैनासिंह कार्कीको अध्यक्षतामा ९ सदस्यीय नगर समिति चयन भयो । उपाध्यक्षमा गोपाल आचार्य, सचिवमा नारायण पौडेल, कोषाध्यक्षमा सीता शर्मा, सदस्यहरूमा भविश्वर पौडेल, राधाकृष्ण पौडेल, यमप्रसाद थापा, सोमनाथ पौडेल र रत्न तामाङ चयन हुनुभएको छ ।
नवनिर्वाचित कार्यसमितिलाई राष्ट्रिय जनमोर्चाका केन्द्रीय सदस्य डम्वर पुरीले बधाई दिनुभएको थियो ।
