काठमाडौं । दार्चुलाको नेपाल भारत सीमाका तीन स्थानमा सशस्त्र प्रहरीको बोर्डर ओटपोस्ट (बीओपी) स्थापना गरिएको छ । लेकमको लाली, मालिकार्जुनको जोलजीवी र व्यासको दुम्लीङमा बोर्डर आउट पोष्ट स्थापना गरिएको हो ।

बिहीबार स्थापना गरिएका तीनवटा बीओपीमा सईको नेतृत्वमा २०/२० जनाको टोली खटाइएको छ । ७ नं बाहिनीका बाहिनीपति डीआईजी हरिशंकर बुढाथोकीले बीओपी उद्घाटन गरेका थिए ।

हालै लिपुलेक क्षेत्रमा भारतले सडक बनाएपछि सीमा क्षेत्रमा नेपाली सुरक्षाकर्मीको उपस्थिति बढाइएको छ । दार्चुलाकै कालापानी, लिम्पियाधुरा, लिपुलेक लगायतका क्षेत्रमा भारतले नेपाली भूमि मिचेको छ ।

सरकारले नेपाल भारत तथा नेपाल चीन सीमामा गरी ५०० वटा बीओपी स्थापना गर्ने तयारी गरिरहेको छ । त्यसमध्ये आधाजति स्थापना भइसकेको छ ।