बागलुङ । राष्ट्रिय जनमोर्चा बाग्लुङले विभिन्न स्थानीय निकायमा देउसीभैलो कार्यक्रम सञ्चालन गरेको छ ।
जिल्ला अन्तर्गत जैमिनी नगरपालिका, ढोरपाटन नगरपालिका, गल्कोट नगरपालिका, बडिगाड गाउँपालिका, निसिखोला गाउँपालिकामा राजमोले देउसीभैलो सञ्चालन गरेको जिल्ला अध्यक्ष तिलक थापाले युगदर्शनलाई जानकारी दिनुभयो ।
थापाका अनुसार जैमिनी नगरपालिकामा जनजाति सम्मेलनका केन्द्रीय कोषाध्यक्ष होमबहादुर पुन नेतृत्वमा देउसीभैलो सञ्चालन भइरहेको छ ।
त्यस्तै ढोरपाटन नगरपालिकामा रक्तिमका जिल्ला अध्यक्ष सविन अरगेजाको नेतृत्वमा देउसीभैला सञ्चालन भइरहेको छ ।
गल्कोट नगरपालिकामा वेदीलाल सापकोटाको नेतृत्वमा देउसीभैलो टोली परिचालन भएको छ ।
बडिगाड गाउँपालिकामा नेकपा (मसाल)का जिल्ला प्रवक्ता मेघबहादुर पाईजाको नेतृत्वमा र निसिखोला प्रगति बुढाको नेतृत्वमा एउटा देउसीभैलो टोली परिचालन भइरहेको छ भने अर्को टिम खिमविक्रम साहिको नेतृत्वमा परिचालन भइरहेको छ ।
हिजो असौज तीन गते लक्ष्मीपुजाको दिनदेखि शुरु भएको देउसीभैलो कार्यक्रम आठगतेसम्म सञ्चालन हुने थापाले बताउनु भयो ।
