धनगढी । मंगलबार निधन भएका राष्ट्रिय जनमोर्चाका युवा नेता महेश भट्टप्रति राजमोको झण्डा ओढाएर अन्तिम श्रद्धाञ्जली अर्पण गरिएको छ ।
राष्ट्रिय जनमोर्चा धनगढी उपमहानगर समिति सदस्य तथा युवक संघ कैलाली जिल्ला समितिका पूर्व कोषाध्यक्ष भट्टको मंगलबार गोदावरीमा सम्मानका साथ अन्तिम संस्कार गरिएको हो ।
त्यस क्रममा राष्ट्रिय जनमोर्चाका केन्द्रीय सदस्य तथा सुदूरपश्चिम ईन्चाज मनोज भट्टले उहाँको पार्थिव शरीरमा पार्टीको झन्डा ओढाउँदै भन्नुभयो –‘महेशको मृत्युले पार्टीलाई ठुलो क्षति पुगेएको छ । एउटा उर्जावान युवालाई पार्टीले गुमाएको छ । महेश सानै उमेरमा राजनीतिक तथा सामाजीक कार्यमा सक्रिय हुनुहुन्थ्यो ।’
श्रद्धाञ्जली सभामा राजमोका प्रदेश अध्यक्ष नन्दराज भट्ट, अखिल नेपाल किसान महासंघका नेता हरिकृष्ण पान्डे, विवेकशल साझा पार्टीका नेता गोपि हमाल, राजमो कैलाली जिल्ला समितिका पूर्व अध्यक्ष लक्षिराम आचार्य, मूल प्रवाहका नेता हिरा सिंह चन्द, अखिल नेपाल युवक संघका केन्द्रीय सचिव प्रशान्त थापा, राजमो कैलाली जिल्ला सचिव जगत जोशी, रक्तिम साँस्कृतिक अभियानका नेता बाबुराम आचार्य, राजमो कैलालीका सचिवालय सदस्य डबल बोगटी लगायतको उपस्थित रहेको थियो ।
यही असार १३ गते भट्टको कैलाली जिल्लाको गेटा नजिकै मोटरसाइल दुर्घटना भएको थियो । दुर्घटनामा गम्भीर घाइते भएका भट्टलाई उपचारकालागि नेपालगञ्ज मेडिकल कलेजमा लगिएको थियो । उपचारकै क्रममा आज बिहान अस्पतालमा मृत्यु भएको हो ।
