नवराज पौडेल,कपिलवस्तु ।
डिभिजन वन कार्यालय गौतमवुद्ध चन्द्रौटाले वृक्षारोपण वर्ष २०७७ आजवाट सुरु गरेको छ । शिवराज नगरपालीका वडा न १ को उमरीमा वृक्षारोपण गरेर वृक्षारोपण वर्ष २०७७ को सुभारम्भ गरिएको हो । राष्ट्रि«य वृक्षारोपण दिवसको अवसर पारि प्रदेश वन तथा वतावरण मन्त्रालयका सचिव डा.राधा वाग्लेले वृक्षारोपण गरि अभियानको सुरुवात गर्नुभएको हो ।
अभियानको सुरुवात गर्दै सचिव वाग्लेले वनको विकासको लागी वन संरक्षणमा ध्यान दिनुपर्ने बताउनु भयो । वनस्पतीवाट मानिसले विविध फाईदा लिन सक्नेभएकाले वनको संरक्षणमा समुदायका मानिसहरु सक्रीय हुनुपर्ने समेत बताउनु भयो । उहाँले जंगलमा पाईने हरेक विरुवा मानिसको स्वास्थ्य र आवश्यकता लागी उपयोगी भएकाले वन मास्ने भन्दा वन क्षेत्र वडाउने तर्फ लाग्न सुझाव व्यत गर्नु भयो ।
शिवराज नगरपालीका नगरप्रमुख नेत्रराज अधिकारीले साझेदारी तथा सामुदायिक वन कार्यालय अगाडी राखिएका दाउरा काठ विग्रीएर खेर फाल्नु भन्दा उपयोग गर्ने तर्फ ध्यान दिन सुझाउनुभएको छ । अधिकारीले वन संरक्षण र वनले गर्ने क्रीयाकलापमा नगरपालीकाको साथ रहने बताउनुभएको हो ।
डिभिजन वन कार्यालय गौतमवुद्ध चन्द्रौटाका कार्यालय प्रमुख दुर्गा कार्कीले यस वर्ष व्यापक रुपमा वृक्षारोपण गर्ने तयारी भएको वताउनुभएको छ । उहाँले नर्सरीमा विरुवा तयारी अवश्थामा रहेको वताउदै ठुलो संख्यामा वृक्षारोपण गर्ने योजना रहेको सुनाउनुभएको छ ।
कार्यक्रममा उत्कृष्ट काम गर्ने तीन ओटा सामुदायिक वनलाई पुरस्कृत गरिएको छ । यसैविच वन वातावरण तथा वन जन्तु संरक्षण पत्रकारीता पुरस्कार २०७७ वाट पत्रकार कृष्ण गैरेलाई पुरस्कृत गरिएको छ ।
वन सुरक्षा पुरस्कारवाट वडा प्रहरी कार्यालय चन्द्रौटाका प्रहरी राजेन्द्र कुवरलाई पुरस्कृत गरिएको छ । कार्यक्रम डिभिजन प्रमुख दुर्गा कार्कीको अध्यक्षता र सचिव डा राधा वाग्लेको प्रमुख आतिथ्यतामा सम्पन्न भएको छ ।
