काठमाडौँ । रास्वपाको केन्द्रीय सचिवालयमा नपरेकोमा डा. तोसिमा कार्की असन्तुस्ट भएको समाचार सार्वजनिक भएको छ ।

कार्कीले आफ्‌नो फेसबुकमा एउटा स्टाटस् लेखेर पार्टीप्रति असन्तुष्टि प्रकट गरेकी छिन् ।

“पार्टीमा रिफर्मेसनको एजेण्डा उठिरहेको थियो । त्यसैको लागी विस्तारित बैठक तोकिएको थियो। महाअधिवेशन कैले गर्ने, के गर्ने, भन्ने निर्णयको लागी २ हप्तामा हुन लागेको बिस्तारित बैठकसमेत नकुरी सचिवालय विस्तार गरियो। हामीले खोजेको रिफर्मेसन यो होईन। कार्यकारी नेतृत्व परिवर्तन हो, पनर्गठन हो।

फेरी पनि भन्दैछु हामी थप लोकतान्त्रीक हुन जरुरी छ। कार्यशैलि सच्याउन जरुरी छ। पार्टीका गतिविधिहरुमा संगठनको जरा जराले अपनत्व महसुस गर्न सक्नुपर्छ ।

पुनः दोहोर्याउँछु, विस्तारीत बैठकमा पार्टीको संगठनको बृहत सहभागिता र Voting rights को सुनिश्चित गरियोस् भनि माग गर्दछु ।

Voting rights नदिने भए देश भरीबाट चितवन सम्म बोलाएर, समय, पैसो, श्रम खर्च गरेर निर्णयको अधिकार नदिने भए बैठकको औचित्य छैन ।”