काठमाडौँ । असार १० गतेसम्म ल्याइसक्नुपर्नेमा अहिलेसम्म ४३ ओटा स्थानीय तहले बजेट ल्याएका छैनन् । त्यसमध्ये सबैभन्दा बढी मधेस प्रदेशका स्थानीय तहले बजेट ल्याएका छैनन् ।
तोकिएको समयभन्दा धेरै ढिला भइसक्दा पनि बजेट प्रस्तुत नगरेर जिम्मेवारी पूरा नगरेको भन्दै तत् तत् स्थानीय तहको आलोचनासमेत हुने गरेको छ ।
प्रदेशगत विवरणअनुसार गण्डकी र सुदूरपश्चिम प्रदेशका सबै स्थानीय तहले बजेट ल्याइसकेका छन् ।
सङ्घीय मामिला तथा सामान्य मन्त्रालयको पोर्टलमार्फत सम्बन्धित स्थानीय तहले प्रविष्ट गरेको विवरणका आधारमा कुल ९४ दशमलव २९ प्रतिशत तहले बजेट प्रस्तुत गरेको पाइएको छ । यस्तै, पाँच दशमलव ७१ प्रतिशत स्थानीय तहले बजेट प्रस्तुत गरेका छैनन् । अधिकांश स्थानीय तहमा राजनीतिक सहमति हुन नसक्दा बजेट प्रस्तुत हुन नसकेको पाइएको छ ।
संविधानमा नै हरेक वर्षको जेठ १५ गते अर्थात् गणतन्त्र दिवसको दिन सङ्घीय सरकारको बजेट प्रस्तुत गर्ने व्यवस्था गरेको छ । नेपालको संविधान जारी भएपछि सोहीअनुसार नै बजेट प्रस्तुत हुँदै आएको छ । यस्तै प्रदेश सरकारले असार १ गते बजेट प्रस्तुत गर्ने गरेका छन् ।
मधेस प्रदेश
सप्तरी : डाक्नेश्वरी नगरपालिका, राजविराज नगरपालिका, अग्निसाइर कृष्णासवरन गाउँपालिका, छिन्न्मस्ता गाउँपालिका, बलान बिहुल गाउँपालिका ।
सिराहा : कल्याणपुर नगरपालिका, धनगढीमाई नगरपालिका, सुखीपुर नगरपालिका ।
धनुषा : जनकपुर उपमहानगरपालिका, क्षिरेश्वरनाथ नगरपालिका, धनुषाधाम नगरपालिका, नगराइन नगरपालिका, मिथिला नगरपालिका, औरही गाउँपालिका, कमला नगरपालिका, जनकनन्दिनी गाउँपालिका, हम्पसुर नगरपालिका, धनौजी गाउँपालिका ।
महोत्तरी : महसोनमा गाउँपालिका, मलङ्गवा नगरपालिका ।
सर्लाही : हरिवन नगरपालिका, चन्द्रनगर गाउँपालिका, रामनगर गाउँपालिका ।
रौतहट : कटहरिया नगरपालिका, देवाही गोनाही नगरपालिका, फतुवा विजयपुर नगरपालिका, यमुनामाई गाउँपालिका ।
बारा : महागढीमाई नगरपालिका, सुवर्ण गाउँपालिका, विश्रामपुर गाउँपालिका ।
पर्सा : पोखरिया नगरपालिका, पकाहा मैनपुर गाउँपालिका, सखुवा प्रसौनी गाउँपालिका, कालिकामाई गाउँपालिका ।
लुम्बिनी प्रदेश
पाल्हीनन्दन गाउँपालिका, नवलपरासी
कोटहीमाई गाउँपालिका, रुपन्देही
शुद्धोधन गाउँपालिका, कपिलवस्तु
तुल्सीपुर उपमहानगरपालिका, दाङ
कोशी प्रदेश
इटहरी उपमहानगरपालिका, सुनसरी
धरान उपमहानगरपालिका, सुनसरी
कर्णाली प्रदेश
छत्रेश्वरी गाउँपालिका, सल्यान
बागमती प्रदेश
खनियाबास गाउँपालिका, धादिङ
