काठमाडौँ । नेकपा (मसाल) ले विघटित संसद्को पुनस्र्थापना वा सरकारले घोषणा गरेको फागुन २१ गतेको चुनावमध्ये कुन नीतिलाई समर्थन गर्ने भन्ने सम्बन्धमा आगामी केन्द्रीय समिति बैठकले निर्णय गर्ने जानकारी दिएको छ ।
महामन्त्री मोहनविक्रम सिंहको हस्ताक्षरमा २०८२ असोज ३० गते राति वक्तव्य जारी गर्दै मसालले सो जानकारी दिएको हो ।
पोलिटब्युरोको भर्चुअल बैठकले गरेको निर्णयबारे जानकारी दिन सो विज्ञप्ति जारी गरेको विज्ञप्तिमा उल्लेख छ ।
यसका साथै चुनावसम्बन्धी छलफलमा राष्ट्रिय जनमोर्चा सहभागी भएर छलफल गर्ने नीति निश्चित गरिएको पनि विज्ञप्तिमा उल्लेख छ ।
यस्तो छ, प्रेसविज्ञप्तिको पूर्ण पाठ :
“आज नेकपा (मसाल) को पी.बी. को अनलाइन बैठक बसेर गरेका कतिपय निर्णयबारे जानकारी दिन यो प्रेसविज्ञप्ति जारी गरिएको छ ।
१. हाम्रो पार्टीले वर्तमान अन्तरिम सरकारको गठन र त्यसको सिफारिसमा भएको संसद्को विघटनसमेत असंवैधानिक भएको भन्ने विचार पहिले नै सार्वजनिक गरिसकेको छ । त्यसपछि अहिले देशमा विघटित संसद्को पुनस्र्थापना वा नया“ चुनाव गर्नेबारे बेग्लाबेग्लै मत आएको पाइन्छ । हाम्रो पार्टीले अहिलेसम्म त्यसबारे कुनै निर्णय गरेको छैन र छिट्टै बस्ने हाम्रो पार्टीको केन्द्रीय समिति बैठकले त्यसबारे आवश्यक निर्णय गर्नेछ ।
२. चुनावसम्बन्धी विषयमा देशमा बेग्लाबेग्लै स्तरमा छलफल चलिरहेका छन् । हाम्रो पार्टीले आवश्यकताअनुसार ती बैठकमा गएर आवश्यक विचार प्रकट गर्ने वा छलफल गर्ने नीति अपनाउनेछ ।”
