ढोरपाटन । रक्तिम साँस्कृतिक अभियानले बागलुङको ढोरपाटनमा प्रशिक्षण कार्यक्रम सम्पन्न पारेको छ ।
असौज २५ गतेदेखि २९ गतेसम्म चलेको उक्त प्रशिक्षण कार्यक्रमको समापन कार्यक्रमको अध्यक्षता सविन अर्गेजाले र सञ्चालन कुल बहादुर छन्त्यालले गर्नुभएको थियो । कार्यक्रमका सहभागिहरूलाई कलाकारहरूले स्वागत गरेका थिए ।
समापन कार्यक्रममा रक्तिमका केन्द्रीय अध्यक्ष गिरीप्रसाद बुढा, राजमो केन्द्रीय सदस्य गौरीश्वर पाण्डे, रक्तिमका उषा तरामी मगर, सहभागिहरूको तर्फबाट अविशेक पाइजा, राजमो जिल्ला कोषाध्यक्ष दिपक थापा, सदस्यहरू धन बहादुर अदै, कमला पाण्डे, अखिल नेपाल बुद्धिजीवी संघका धन बहादुर कुँवर, जनजाति सम्मेलन केन्द्रीय सदस्य तमबहादुर कुँवर, जातिय समता समाज केन्द्रीय सदस्य नर बहादुर कुँवर लगायतले मन्तव्य दिनुभएको थियो ।
कलाकारहरूले भव्य साँस्कृतिक कार्यक्रम प्रस्तुत गरेका थिए । गिरीप्रसाद बुढा र गौरीश्वर पाण्डेले सैद्धान्तिक प्रशिक्षण दिनुभएको उक्त कार्यक्रममा नृत्य उषा तरामी मगरले र गीत संगीतको प्रशिक्षण सविन अर्गेजाले प्रशिक्षण दिनुभएको थियो । प्रशिक्षणमा करिब ९० जना कलाकारहरूले सहभागिता जनाएका थिए ।
