धनवीर पुनमगर, भरतपुर ।
अखिल नेपाल जनजाति सम्मेलनको पाँचौँ राष्ट्रिय महाधिवेशनले माघ १५ गतेसम्मका लागि आगामी कार्यक्रम तय गरेको छ ।
२०८२ असोज २६ र २७ गते चितवनको नारायणगढमा सम्पन्न महाधिवेशनले सो कार्यक्रम तय गरेको हो ।
घोषित कार्यक्रमअनुसार कात्तिकमा देशव्यापी सन्देशसभा गर्ने, मङ्सिरमा प्युठानको स्वर्गद्वारीमा २० दिन र माण्डवीमा १० दिन प्रशिक्षण शिविर चलाउने, पुस १५ देखि माघ १५ गतेसम्म प्युठान, रोल्पा, पूर्वी रुकुम, पश्चिम रुकुम र बागलुङसम्म जनजाति जागरण अभियान चलाउने र माघ १५ गतेपछि केन्द्रीय समितिको बैठक बस्ने जानकारी दिइएको छ ।
यस्तो छ, आगामी कार्यक्रमको पूर्ण पाठ :
“१. २०८२ कात्तिक महिनाभरि महाधिवेशन जनजाति सन्देश सभा गर्ने । बागलुङ, प्युठान, अर्घाखाँची, दाङ, कास्की, रुपन्देही, चितवन, सुर्खेत, काठमाडौँ, गुल्मी, नवलपुर र अन्य जिल्लाले सो कार्यक्रम सम्पन्न गर्ने । कुन जिल्लाले कहिले यो कार्यक्रम गर्ने हो ? त्यसको मिति केन्द्रलाई जानकारी गराउने ।
२. २०८२ मङ्सिर महिनामा प्युठान जिल्लाको स्वर्गद्वारी नगरपालिकामा २० दिन र माण्डवी नगरपालिकामा १० दिन पहिलो चरणको प्रशिक्षण शिविर चलाउने । प्रशिक्षण सम्पन्न भइसकेपछि प्रत्येक वडामा साङ्गठनिक अभियान चलाउन सहभागीलाई फिल्डमा पठाउने । त्यसका लागि सम्बन्धित जिल्लाको बैठक बसी योजना/कार्यक्रम बनाउने ।
३. २०८२ पुस १५ गतेदेखि माघ १५ गतेसम्म प्युठान, रोल्पा, पूर्वी रुकुम, पश्चिम रुकुम र बागलुङमा जनजाति जागरण अभियान–२०८२ सञ्चालन गर्ने । प्युठानमा उद्घाटन हुने सो अभियान रोल्पा, पूर्वी रुकुम, पश्चिम रुकुम, बागलुङको ढोरपाटन, बुर्तिबाङ, निसी, गलकोट, कुश्मीसेरा हुँदै बागलुङबजारमा आएर समापन गर्ने ।
४. २०८२ माघमा त्यो कार्यक्रमको समीक्षासहित केन्द्रीय समितिको बैठक बसी आगामी कार्यक्रम तय गर्ने ।”
