बागलुङबजार । राष्ट्रिय जनमोर्चा बागलुङले सञ्चालन गरेको राष्ट्रियता र संविधानको रक्षा, सङ्घीयता खारेजीका लागि जनजागरण अभियान–२०८२ अन्तर्गत राङखानी, हरिचौर र घोसामा सभा सम्पन्न भएका छन् ।
२०८२ असोज २४ गते शुक्रबार जैमिनी नगरपालिका–१० को राङखानी, गलकोट नगरपालिका–५ को हरिचौर र ढोरपाटन नगरपालिका–३ को घोसामा कार्यक्रम सम्पन्न भएका हुन् ।
राङखानी
अभियानअन्तर्गत राङखानीमा सम्पन्न प्रशिक्षण कार्यक्रममा प्रमुख अतिथि राजमो बागलुङका सचिवालय सदस्य डिलबहादुर श्रीस हुनुहुन्थ्यो ।
कार्यक्रममा राजमो बागलुङका जिल्ला सदस्य ठाकुर शर्मा र जिल्ला सदस्य दानबहादुर थापाले मन्तव्य राख्नुभएको थियोे ।
सो अवसरमा अखिल नेपाल युवक सङ्घका श्रीप्रसाद थापा, अखिल नेपाल जनजाति सम्मेलनका लालबहादुर पुन, ओमकार श्रीस, अखिल नेपाल महिला सङ्घकी सुमित्रा विकलगायतको आतिथ्य रहेको थियो ।
कार्यक्रम टिका आचार्यको अध्यक्षता, जयराम आचार्यको सञ्चालन र झलक पुनको स्वागत मन्तव्यसँगै सम्पन्न भएको थियो ।
हरिचौर
त्यसगरी हरिचौरमा सम्पन्न प्रशिक्षणभेलामा प्रमुख अतिथि राजमो केन्द्रीय सदस्य बेदिलाल सापकोटा हुनुहुन्थ्यो ।
कार्यक्रममा राजमो बागलुङका सल्लाहकार भीमसेन वन, राजमो सल्लाहकार तथा गलकोट नगर अध्यक्ष टङ्क केसी, अखिल नेपाल शिक्षक सङ्घ बागलुङका अध्यक्ष मित्रदत्त ढकाललगायतले शुभकामना मन्तव्य राख्नुभएको थियोे ।
सो अवसरमा राजमो बागलुङका जिल्ला सदस्य पदम श्रेष्ठ, विष्णु बस्नेत, खड्क विक, नैनसिंह थापा, शिक्षक सङ्घका केन्द्रीय सदस्य पुष्कर सापकोटा, सुनमाया ढकाल, टिकाराम कँडेल, स्थानीय नेता यसोधा थापा, जितबहादुर बस्नेतलगायतको आतिथ्य रहेको थियोे ।
कार्यक्रम वडासमितिका अध्यक्ष अमरबहादुर खत्रीको अध्यक्षता, नारायण सापकोटाको सञ्चालन र देवी खत्रीको स्वागत मन्तव्यमा रहेको थियोे ।
घोसा
घोसामा सम्पन्न कार्यक्रममा प्रमुख अतिथि राजमो केन्द्रीय सदस्य गौरीश्वर पाण्डे हुनुहुन्थ्यो ।
कार्यक्रममा राजमो बागलुङका कोषाध्यक्ष दीपक थापा, दलित अगुवा दलबहादुर विक र समाजसेवी दिलबहादुर छन्त्यालले मन्तव्य राख्नुभएको थियोे ।
जिल्ला तथा पालिकास्तरीय नेताहरूको आतिथ्य रहेको सो कार्यक्रममा वडासमितिका उपाध्यक्ष मित्रलाल पौडेलले अध्यक्षता र सचिव नारायण घर्तीले सञ्चालनमा गर्नुभएको थियोे ।
