खलङ्गा । अखिल नेपाल जनजाति सम्मेलन प्युठानको जिल्ला अधिवेशन सम्पन्न भको छ ।
महासचिव अमरध्वज रानाको प्रमुख आतिथ्यमा २०८२ असोज २३ गते बिहीबार सो कार्यक्रम सम्पन्न भएको हो ।
अधिवेशनलाई सम्बोधन गर्दै रानाले पाँचौँ राष्ट्रिय महाधिवेशनको तयारी अन्तिम चरणमा पुगेको बताउनुभयो ।
महाधिवेशनमार्फत् जनजाति सम्मेलनलाई थप सक्रिय बनाउन सबैको आवश्यक रहेको उहाँको भनाइ थियो ।
अधिवेशनलाई राष्ट्रिय जनमोर्चाका केन्द्रीय सदस्य तथा मल्लरानी गाउँपालिकाका अध्यक्ष कृष्ण खड्का, राजमो प्युठानका सचिव केशवराज आचार्य स्वर्गद्वारी नगरपालिकाका उपप्रमुख मीनराज रानाले शुभकामना दिनुभको थियो ।
नन्दराम पुनको अध्यक्षता तथा घनबहादुर घर्तीमगरको सञ्चालनमा अधिवेशन अगाडि बढेको थियो ।
अधिवेशनले नन्दराम पुन अध्यक्ष ११ सदस्यीय प्युठान जिल्ला समिति गठन गरेको छ ।
समितिको उपाध्यक्ष इन्द्रबहादुर पुन, सचिवमा घनबहादुर घर्ती, सहसचिव शशिराम पुन र कोषाध्यक्षमा सीता पुन रहनुभएको छ ।
त्यस्तै सदस्य सत्यमोहन राना, नोजबहादुर घर्ती, केशबहादुर घर्ती, चित्रमान पुन, खिमानसिंह घर्ती, मानबहादुर घर्ती तथा सल्लाहकारमा मीनराज राना, लेखबहादुर थापा र हुमबहादुर रास्कोटी रहनुभएको छ ।
