बागलुङबजार । राष्ट्रिय जनमोर्चा बागलुङले सञ्चालन गरेको राष्ट्रियता र संविधानको रक्षा, सङ्घीयता खारेजीका लागि जनजागरण अभियान–२०८२ को कार्यक्रमअन्तर्गत पैयुँ, मल्म र खुङामा सभा सम्पन्न भएको छ ।
२०८२ असोज २३ गते सो अभियान जैमिनी नगरपालिका वडा नं. ९ को पैयुँ, गलकोट नगरपालिका वडा नं. ९ को मल्म र ढोरपाटन नगरपालिका वडा नं. ४ खुङामा पुगेको हो ।
पैयुँ
पैयुँथन्थापमा सम्पन्न प्रशिक्षण कार्यक्रममा प्रमुख अतिथि राजमो बागलुङका सचिवालय सदस्य डिलबहादुर श्रीस हुनु हुन्थ्यो ।
कार्यक्रममा राजमो बागलुङका जिल्ला सदस्य ठाकुर शर्मा र राजमो जैमिनीका उपाध्यक्ष चन्द्रबहादुर केसीले मन्तव्य राख्नुभएको थियोे ।
राजमो वडासमितिका अध्यक्ष वीरेन्द्र थापाको अध्यक्षता तथा सचिव दिलिप परियारको सञ्चालन र सदस्य थुमबहादुर घर्तीको स्वागत मन्तव्यसँगै सो कार्यक्रम सम्पन्न भएको थियोे ।
मल्म
मल्म गल्याङमा सम्पन्न प्रशिक्षण भेला कार्यक्रममा प्रमुख अतिथि राजमो केन्द्रीय सल्लाहकार तथा जिल्ला समन्वय समिति बागलुङका प्रमुख अमर थापा हुनुहुन्थ्यो ।
कार्यक्रममा राजमो केन्द्रीय सदस्य बेदिलाल सापकोटा, राजमो बागलुङका सल्लाहकार तथा गलकोट नगर अध्यक्ष टङ्क केसी, अखिल नेपाल शिक्षक सङ्घका केन्द्रीय सदस्य तथा जिल्ला अध्यक्ष मित्रदत्त ढकाल, अखिल (छैठौं) का केन्द्रीय सचिव गणेश सापकोटालगायतले शुभकामना मन्तव्य राख्नुभएको थियोे ।
वडासमितिका अध्यक्ष रुमकान्त गौतमको अध्यक्षता, उपाध्यक्ष नारायण गौतमको सञ्चालन र वडासमिति सदस्य तरला गौतमको स्वागत मन्तव्यसहित कार्यक्रम सम्पन्न भएको थियोे ।
खुङा
खुङामा सम्पन्न कार्यक्रममा प्रमुख अतिथि राजमो केन्द्रीय सदस्य गौरीश्वर पाण्डे हुनुहुन्थ्योे ।
राजमो बागलुङका कोषाध्यक्ष दीपक थापाले पनि मन्तव्य राख्नुभएको सो कार्यक्रममा जिल्ला तथा पालिकास्तरीय नेताहरूको आतिथ्य रहेको थियोे ।
कार्यक्रममा कुलबहादुर छन्त्यालको अध्यक्षता, रामबहादुर अर्गेजाको सञ्चालन र लालबहादुर सुनारको स्वागत मन्तव्य रहेको थियोे ।
