तौलिहवा । कपिलवस्तु जिल्ला शिवराज नगरपालिका वडा नं. १ शिवपुरमा राष्ट्रिय जनमोर्चाको प्रशिक्षण तथा भेटघाट कार्यक्रम सम्पन्न भएको छ ।
राजमोका जिल्ला सचिव केरसिंह अदैको प्रमुख आतिथ्यमा २०८२ असोज २३ गते बिहीबारका दिन सो कार्यक्रम सम्पन्न भएको हो ।
सो अवसरमा मन्तव्य राख्दै अदैले देशको तात्कालिक परिस्थिति, जेएनजी आन्दोलन, राष्ट्रिय जनमोर्चाको धारणा, नीति तथा कार्यक्रमको बारेमा चर्चा गर्नुभएको थियो ।
कार्यक्रममा राजमो कपिलवस्तुका कोषाध्यक्ष केहरसिंह पुनमगर र मूल प्रवाह अखिल भारत नेपाली एकता समाजका प्रतिनिधि रूपलाल घर्तीमगरले पनि समसामयिक विषयमा मन्तव्य राख्नु भएको थियो ।
त्यस्तै कार्यक्रममा समाजसेवी जितबहादुर जिसी, रक्तिम सांस्कृतिक अभियान शिवराज नगर समितिका उपाध्यक्ष राजु विक र अखिल नेपाल बुद्धिजीवी सङ्घका बुधराम थारूको पनि आतिथ्य रहेको थियो ।
कार्यक्रमको सञ्चालन कर्मराज चौधरीले र अध्यक्षता राजमो शिवराज–१ का अध्यक्ष शिवप्रसाद थारूले गर्नुभएको थियो ।
