नवराज पौडेल ,कपिलवस्तु ।
कपिलवस्तुको शिवराज नगरपालिका वडा न २ ले शुक्रबार ३० हजार बराबरको खेलकुद सामाग्री वितरण गरेको छ । शिवराज नगरपालिका वडा नम्वर २ अन्र्तगत रहेका सामुदायिक विद्यालयका बाल क्लवहरुलाई खेलकुद सामाग्री वितरण गरेको हो ।
वडाको खेलकुद सामाग्री खरिद तथा खेलाडी सम्मान कार्यक्रम अन्र्तगत खेलकुद सामाग्री वितरण गरिएको वडा नम्वर २ का वडा अध्यक्ष राम बहादुर चौधरीले जानकारी दिनु भएको छ ।
वडामा रहेका सामुदायिक विद्यालयका खेलाडीले विनिन्न ठाउँमा खेल प्रस्तुत गरि वडा ,नगर संगै जिल्लाकै नाम परिचित गराउन सफल भएको भन्दै खेल प्रवद्धन गर्ने र खेलाडीको हौसला बढाउने उदेश्यले सामाग्री वितरण गरिएको उहाँले बतउनु भयो ।
खेलजगत आफैमा स्वस्थ हुनुका साथै खेलाडीलेआफ्नो स्वास्थ्य संगै आफ्नो देशको पहिचान गराउने भएकोले सम्बन्धित विद्यालयका शिक्षक प्रतिनिधी तथा क्लवका अध्यक्षहरु लाई खेल सामाग्री हस्तान्तरण गरिएको हो ।
वडाले बाल शिक्षा मावि हल्लानगर, जनता आधारभुत विद्यालय मद्रहवा, र बुद्ध आधारभुत विद्यालय हर्हवालाई क्रिकेट १ सेट भलिवल,नेट १ सेट अन्य खेलकुदका सामाग्री वितरण गरिएको र मावि तहका विद्यालयलाई ५ केजीको सटपुट संगै निमावी तहका विद्यालयलाई ४ केजीको सटपुट वितरण गरिएको चौधरीले जानकारी दिनुभयो ।
