दाङ–देउखुरी । राष्ट्रिय जनमोर्चाका कार्यकारी अध्यक्ष रस्मिराज नेपालीले देश सम्पुर्ण हिसाबले कहालीलाग्दो अबस्थामा पुगेको बताउनु भएको छ ।
राष्ट्रिय जनमोर्चा राप्ति गाउँपालिका दाङद्वारा आयोजित प्रशिक्षण कार्यक्रममा मन्तव्य राख्ने क्रममा नेपालीले उक्त धारणा राख्नु भएको हो । ‘संविधान सरकारबाट नै मिचिएको छ, देशलाई ध्वस्त गर्नेलाई सजाय दायरामा ल्याउने कुरा गृहमन्त्रीबाट नै रोकिएको छ’ नेपालीले अगाडि भन्नु भयो– ‘देश कता लैजाने भन्ने कुनै निश्चित गन्तब्य छैन ।’
साम्राज्यवादीहरूको सक्रियता बढेको छ, एमसिसि सम्झौता पहिलै भैसकेको छ । यी तमाम कुराले देश अस्थिरता, अन्योलता सहित कहालीलाग्दो अबस्थामा पुगेको नेपालीको भनाई थियो ।
यसैगरी राष्ट्रिय जनमोर्चाका लुम्बिनी प्रदेश सल्लाहकार सुरेस थापाले देस सम्पुर्णरुपमा साम्राज्यवादको कृडास्थल बन्न थालेको बताउनु भयो ।
‘साम्राज्यवादी शक्तिहरूले जेनजीहरूलाई उपयोग गरेर नेपाली सार्बभौमसत्ता समाप्त पार्न खोजेका छन् ।’ थापाले अगाडि भन्नु भयो– ‘राष्ट्रिय जनमोर्चा बाहेकका दलहरूले राजनीतिक गर्ने नैतिकता समेत गुमाईकेका छन् ।’ अब देशको रक्षाका लागि राष्ट्रिय जनमोर्चा मात्र वैकल्पिक शक्ति भएको बताउनु भयो ।
यसैगरी राष्ट्रिय जनमोर्चाका जिल्ला अध्यक्ष गणेश आचार्यले बहुदल स्थापना पछि सरकारमा भएका दलहरूको कुसासन, भ्रष्टाचार र बेथितिका कारण देशमा साम्राज्यबादीहरूले चलखेल बढाउन पाएको बताउनु भयो ।
यसैगरी अखिल नेपाल युबक संघका पुर्ब अध्यक्ष कासिनाथ पोख्रेल, अखिल नेपाल जनजाति सम्मेलनका केन्द्रीय उपाध्यक्ष रमेशमान गुरुङ, अखिल नेपाल बुद्धिजीवी संघका केन्द्रीय सदस्य केसबराज खनाल, अखिल नेपाल कानुन ब्यबसायी संघका केन्द्रीय सदस्य कृष्ण आचार्य, अखिल नेपाल किसान संघका केन्द्रीय सदस्य बिष्णु आचार्य, अखिल नेपाल युबक संघका केन्द्रीय सदस्य मिलन पोख्रेल, प्रदेश सदस्य प्रेमनारायण आचार्य, जिल्ला अध्यक्ष माधब आचार्य, राष्ट्रिय जनमोर्चा जिल्ला सदस्य तथा राप्ती गाउँपालिका कार्यपालिका सदस्य चम्फा आचार्य, अखिल नेपाल शिक्षक संघ केन्द्रीय परिषद सदस्य केसबराज आचार्य, प्रदेश सल्लाहकार डिलाराम पौडेल, जिल्ला कोषाध्यक्ष रामकृष्ण पौडेल, जातीय समता समाजका जिल्ला उपाध्यक्ष हरी सुनार, भालुबाङ होटल ब्यबसायी संघका अध्यक्ष बासुदेब भुसाल लगायतको आतिथ्यता रहेको थियोे ।
पालिका अध्यक्ष बाबुराम थापाको अध्यक्षता र सचिब दलबहादुर घर्तिको सञ्चालनमा सम्पन्न कार्यक्रममा सहभागिहरूलाई जिल्ला सदस्य गिरबहादुर पौडेलले स्वागत गर्नुभएको थियोे ।
