काठमाडौँ । राष्ट्रिय स्वतन्त्र पार्टी (रास्वपा)का नेताहरूले धमाधम राजीनामा दिइरहको छन् । राजीनामा दिने नेताहरूले पार्टी नेतृत्वको गलत रवैयाको आरोप लगाउँदै आइरहेका छन् । यससँगै सो पार्टीमा

पार्टीका संस्थापक केन्द्रीय सदस्य डा.प्रभात अधिकारीले शुक्रबार पदबाट राजीनामा दिएको सचिवालय सदस्य दीपक बोहराले बताएका छन् । बोहोराले भने– ‘प्रभातजीले आज राजीनामा दिनुभएको हो । तर के कारणले राजीनामा दिएको भन्ने कुरा खुलेको छैन ।’

यसअघि नेतृत्वको कार्यशैलीप्रति असन्तुष्टि जनाउँदै पूर्वसहमहामन्त्री सुमना श्रेष्ठले राजीनामा दिएकी थिइन् । श्रेष्ठले केवल राजीनामा मात्र दिएनन्, पार्टी र नेतृत्वको कार्यसैली माथि नै टिप्पणी गरिन् ।

उनले १४ सितम्बरका दिन फेसबुकको आफ्‌नो वालमा लेखेकि छिन्‌– “कहिलै गल्ति नस्विकार्ने । गल्तिमाथि गल्ति गरिरहने र त्यसको बोझ पार्टीका सबैले बोकिदिनु पर्ने । पार्टीभित्र आलोचना गर्नेहरूका विरूद्धमा मिडिया ट्रायल गर्ने । जहिलेदेखि राष्ट्रिय स्वतन्त्र पार्टीले देश भन्दा माथि पार्टी र पार्टीभन्दा माथि नेतालाई राख्न थालेको हो, त्यति बेला देखि नै आलोचना गर्दै आएको हुँ । तर त्यसले कत्ति पनि फरक पारेन । अझ उल्टै मीडिया ट्रयाल हुन थाल्यो । यो स्विकार्य छैन ।”

त्यस्तै श्रेष्ठले अगाडि लेखेकि छिन्‌– “अब खुल्लारूपमा आक्रमण गर्ने हो भने पनि सजिलो बनाइदिएको छु । मनलाग्दी चलुन्जेल मनलाग्दी गर्नु होला । क्ष् त्तग्क्ष्त् मैले पार्टी छोडेँ ।………”

त्यस्तै सो पार्टीको वनस्थलीस्थित चःमती–१६ मा रहेको केन्द्रीय कार्यालय खाली गर्न घरधनी भरतमणि देवकोटाले नेताहरूलाई आग्रह गरेका छन् । दुई साताअघि रास्वपाका कार्यवाहक अध्यक्ष डोलप्रसाद अर्याललाई भेटेर तीन महिनाभित्र घर खालि गर्न आग्रह गरेको देवकोटाले बताएका छन् । देवकोटाले भने, ‘उहाँहरूले सुरक्षा दिएका छौँ भन्नुभएको छ । देशको केन्द्रीय प्रशासनिक केन्द्र सिंहदरबार, सर्वोच्च अदालत त सुरक्षा दिन नसक्नेले मेरो घर सुरक्षा गरिदिन्छन् भनेर कसरी विश्वास गरौँ ।’

देवकोटा रास्वपाको अनुशासन आयोगका प्रमुख समेत भएको बताइन्छ । उनी अहिले अमेरिकामा रहँदै आएका छन् । यसले पनि रास्वपाप्रति उनको अनिइच्छा बढेको बुझ्‌न सकिन्छ ।

जेनजी आन्दोलन पछि नेपाली राजनीतिमा रास्वपाप्रतिको आकर्षण घटेको राजनीतिक वृत्तमा चर्चा छ । भदौ २४ गते सो पार्टीका सभापति रवि लामिछाने नख्खु जेलबाट फरार भएसँगै जनताको लगाब घटेको अधिकांसको विष्लेशकहरूको धारणा छ ।