काठमाडौँ । परम्परागत शैलीले देशमा क्रान्ति पनि नहुने र देशलाई निकास दिन नसक्ने कम्युनिस्ट नेताहरूले बताएका छन् । नेकपाले आइतबार राजधानीको संवाद डबलीमा ‘क्रान्तिकारी कम्युनिस्ट एकता आजको राष्ट्रिय आवश्यकता’ विषयक अन्तरक्रिया कार्यक्रममा नेताहरूले जेनजी विद्रोहले पाठ सिकाएको समेत बताएका छन् ।
कार्यक्रममा नेकपा (मसाल)का प्रवक्ता रामप्रकाश पुरीले पछिल्लो समयमा क्रान्तिकारीहरू बीच एकता जरुरी रहेको बताउनु भयो । नेपालका क्रान्तिकारी कम्युनिस्टहरूले परम्परागत शैलीलाई परिवर्तन गर्नुपर्ने पुरीको भनाई थियो । आफुहरूले साझा एजेण्डा बनाएर कार्यगत एकतालाई अगाडि बढाउनु पर्ने जोड दिंदै आएको पुरीको थप भनाई थियो ।
कार्यक्रममा नेपाल कम्युनिस्ट पार्टीका संयोजक लोकनारायण सुवेदी, क्रान्तिकारी कम्युनिस्ट पार्टीका कार्यालय सदस्य रामसिंह श्रीस, वैज्ञानिक समाजवादी कम्युनिस्ट पार्टीका कार्यालय सदस्य जाग्रित रायमाझी, नेपाल कम्युनिस्ट पार्टीका नेता नारायण प्रसाद शर्मा, मार्क्सवादी एकता समाजका संयोजका श्रीकान्त पण्डित, नेकपा (बहुमत) काकार्यालय सदस्य कृष्ण धमला, मार्कसवादी महासचिव युवराज काफ्ले, नेकपा कार्यालय सदस्य इन्दिरा अधिकारी, समाजवादी कम्युनिस्ट पार्टीका कार्यालय सदस्य आशोक सुवेदी, नेकपा नेता शरणविक्रम मल्ल, स्वतन्त्र बाम बुद्धिजीवी भूमिनन्दा देबकोटा, डाइलेक्टीकल सोसाइटीका संयोजक विनोद लोहनी, नेकपा सचिवालय सदस्य पुस्कर गौतम र महादिप पोखरेलले परम्परागत भन्दा नयाँ तरिकाले कम्युनिस्टले एकता गरि क्रान्तिमा जुट्नु पर्ने धारणा राखेका थिए ।
