काठमाडौँ । राष्ट्रिय जनमोर्चा सुदूरपश्चिम प्रदेश समितिले प्रशिक्षण कार्यक्रम सम्पन्न गरेको छ ।
नेकपा (मसाल) का महामन्त्री मोहनविक्रम सिंह प्रमुख प्रशिक्षक रहनुभएको सो कार्यक्रम २०८२ भदौ २८ गते शनिबार बिहान भर्चुअल माध्यमबाट सम्पन्न भएको हो ।
कार्यक्रममा प्रशिक्षण दिँदै महामन्त्री सिंहले केपी शर्मा ओली सरकारको भ्रष्ट र कुशासनले गर्दा देशमा युवा पुस्ता आन्दोलनमा आएको स्पष्ट पार्नुभयो ।
जेनजी नामको उक्त आन्दोलनमा असीम शक्ति भएको पुष्टि भए पनि सही राजनीति, सङ्गठन र अनुशासनको अभाव अग्रगामी भूमिका खेल्न नसक्ने पनि बताउनभुयो ।
उहाँले युवा पुस्तालाई सही राजनीतिक, सङ्गठन र अनुशासनद्वारा दिक्षित गरेर नै नेपाललाई अग्रगमनको दिशामा अगाडि बढाउन सकिने धारणा राख्नुभयो ।
कार्यक्रममा अर्का प्रशिक्षक राजमो महासचिव मनोज भट्टले पनि वर्तमान राजनीतिक परिस्थिति, राजमोको भूमिका र साङ्ठनिक विषयमा प्रशिक्षण दिनुभएको थियो ।
कार्यक्रमको सहजीकरण राजमोका केन्द्रीय सदस्य तथा सुप समितिका अध्यक्ष नन्दराज भट्टले गर्नुभएको थियो ।
