काठमाडौँ । पूर्व प्रधानमन्त्री तथा नेपाली काङ्ग्रेसका सभापति शेरबहादुर देउवा र उनकी श्रीमती डा. आरजु राणा देउवामाथि आक्रमण भएको छ ।

२०८२ भदौ २४ गते जेनजी आक्रोशित समूहले बुढानीलकण्ठस्थित निवासमा पसेर आक्रमण गरेको हो ।

बुढानीलकण्ठस्थित निवासमा छिरेका आन्दोलनकारीले सुरुमा घरमा आगो लगाएपछि उनीहरूमाथि कुटपिट गरेका थिए ।

देउवा दम्पतिको सुरक्षाका लागि सोमबार मात्रै थप सुरक्षाबल तैनाथ गरिएको थियो तर मङ्गलबार दिउँसो आन्दोलनकारीको समूह देउवाको निवासमा छिरेर आगो लगाएको थियो ।

कुटपिटपछि उनीहरू दुवै जना रक्ताम्य अवस्थामा देखिएको भिडियो सामाजिक सञ्जालमा भाइरल भएको छ । भिडियोमा निवर्तमान परराष्ट्रमन्त्रीसमेत रहेकी राणालाई अपाच्य शब्दमा गाली गरेको सुनिन्छ ।