काठमाडौँ । छ किसान सङ्गठनले आज भदौ २३ गतेको जेनजी प्रदर्शनमा बर्बर दमन गरेकोमा विरोध गरेको छ ।
२०८२ भदौ २३ गते सोमबार नै प्रेसविज्ञप्तिमा जारी गर्दै उनीहरूले सरकारको सो भूमिकाको विरोध गरेका हुन् ।
विज्ञप्तिमा मृतकप्रति भावपूर्ण श्रद्धाञ्जली व्यक्त गर्दै शोकाकुल परिवारप्रति समवेदना व्यक्त गरिएको छ ।
उनीहरूले विज्ञप्तिमा घाइते सबैलाई सरकारी खर्चमा उपचारको मागसमेत गरिएको छ ।
घटनाको जिम्मेवारी प्रधानमन्त्री केपी शर्मा ओलीको ठहर गर्दै छ किसान सङ्गठनले राजीनामा समेत मागेका छन् ।
जेनजीको विषयमा धेरै कुरा स्पष्ट हुन बाँकी रहेको बताउँदै उनीहरूले त्यसका बाबजुद जनताको आन्दोलन गर्न पाउने अधिकारको सम्मान गर्नु सरकारको पनि दायित्व रहेको बताइएको छ ।
प्रेसविज्ञप्तिमा अखिल नेपाल किसान महासङ्घ (अप्फा) का भैरवराज रेग्मी, अखिल नेपाल किसान महासङ्घ (क्रान्तिकारी केन्द्र) का अध्यक्ष चित्रबहादुर श्रेष्ठ, अखिल नेपाल किसान महासङ्घका बलदेव चौधरी, क्रान्तिकारी किसान महासङ्घका अध्यक्ष सीताराम तामाङ, अखिल नेपाल किसान यूनियनका इन्चार्ज लोकनारायण सुवेदी र अखिल नेपाल प्रगतिशील किसान सङ्घका अध्यक्ष दुर्गाप्रसाद जैसीको हस्ताक्षर रहेको छ ।
