सन्धिखर्क । राष्ट्रिय जनमोर्चाले लिपुलेक अतिक्रमण विरुद्ध प्रधानमन्त्रीलाई ज्ञापनपत्र बुझाएको छ ।
लुम्बिनी प्रदेश समितिका अध्यक्ष बोमबहादुर खत्रीको नेतृत्वमा २०८२ भदौ २२ गते आइतबार गएको प्रतिनिधिमण्डलले प्रमुख जिल्ला अधिकारीमार्फत् ज्ञापनपत्र बुझाएको हो ।
ज्ञापनपत्रका चारओटा बुँदामा लिपुलेक नेपालको भूमि भएको बताउँदै सो भूमि फिर्ताका लागि कूटनीतिक पहलकदमी तीव्र बनाउनुपर्ने तर त्यसरी भूमि फिर्ता हुने सम्भावना कम भएकाले यस मुद्दालाई अन्तर्राष्ट्रियकरण गरिनुपर्ने आवश्यकतामा जोड दिइएको छ ।
प्रतिनिधिमण्डलमा राजमो प्रदेश समितिका सल्लाहकार शेरबहादुर बिसी, जिल्ला अध्यक्ष थम्मन केसी, जिल्ला उपाध्यक्ष गोपाल पौडेल, जिल्ला सचिव बाबुराम पन्थी, सचिवालय सदस्य भीमलाल आचार्य, अखिल नेपाल महिला सङ्घकी महासचिव सकुन्तला राना, महिला सङ्घकी केन्द्रीय उपाध्यक्ष कल्पना पोख्रेल, नेकपा (मसाल) अर्घाखाँचीका प्रवक्ता पशुपति ढकालको सहभागिता रहेको थियो ।
त्यस्तै प्रतिनिधिमण्डलमा राजमो जिल्ला सदस्यहरू दिलदार हुसेन, शालिकराम बन्जाडे, कृष्णप्रसाद खनाल, कृष्णबहादुर सुनार, देवप्रसाद बन्जाडे र हरि आले, अखिल नेपाल युवक सङ्घका केन्द्रीय उपाध्यक्ष कुलराज खनाल, जिल्ला समितिका अध्यक्ष रेशम विक र अखिल (छैठौं) अर्घाखाँचीका सहसचिव भोजराज खनाल सहभागी हुनुहुन्थ्यो ।
