दाङ । अखिल नेपाल शिक्षक सङ्घ गढवाको पाँचौँ अधिवेशन सम्पन्न भएको छ ।
राष्ट्रिय जनमोर्चाका केन्द्रीय कार्यकारी अध्यक्ष रश्मिराज नेपालीको प्रमुख आतिथ्यमा २०८२ भदौ २१ गते शनिबार सो अधिवेशन सम्पन्न भएको हो ।
कार्यक्रममा शिक्षक सङ्घका केन्द्रीय सदस्यहरू लालबहादुर भण्डारी र भानु जिएम, अखिल नेपाल युवक सङ्घका पूर्व केन्द्रीय अध्यक्ष काशिनाथ पोखरेल, युवक सङ्घकै केन्द्रीय सल्लाहकार चित्रबहादुर एमसी, शिक्षक सङ्घ गढवा पालिका समितिका सूर्यबहादुर नेपाल, राजमो गढवाका अध्यक्ष कपिलदेव खनाल, राजमो नेता थानेश्वर जिएम लगायतको आतिथ्य रहेको थियो ।
अधिवेशनको अध्यक्षता ठाकुरप्रसाद खनालले तथा सञ्चालन केशव पौडेलले गर्नुभएको थियो ।
अध्यक्षमा खनाल
अधिवेशनले ठाकुरप्रसाद खनाल अध्यक्ष रहनुभएको शिक्षक सङ्घको पालिकास्तरीय समिति गठन गरेको छ ।
समितिको उपाध्यक्षमा जुद्धबहादुर केसी, महिला उपाध्यक्षमा सङ्गिता महतारा, सचिवमा केशव पौडेल, सहसचिवमा सीता अधिकारी पौडेल र कोषाध्यक्षमा पवित्रा केसी रहनुभएको छ ।
त्यस्तै सदस्यमा सिद्धार्थ सुवेदी, भीमसेन पौडेल, देवी बस्याल, वमी केसी, शरद शर्मा, राधा आचार्य, गोविन्द पन्थी र पूजा थारू रहनुभएको छ ।
भेलाले नेत्र खनाल, कृष्णबहादुर थापा, ओमबहादुर मगर, यशोदा पुन र दीपक पोखरेललाई सल्लाहकारमा चयन गरेको छ ।
