भरतपुर । चितवनको भरतपुर महानगरपालिकामा अखिल नेपाल जनजाति सम्मेलनको नगर भेला सम्पन्न भएको छ ।
२०८२ भदौ २१ गते शनिबार राष्ट्रिय जनमोर्चा चितवनका अध्यक्ष अमरबहादुर क्षेत्रीको प्रमुख आतिथ्यमा सो भेला सम्पन्न भएको हो ।
भेलाले सूर्यबहादुर थापा अध्यक्ष रहनुभएको १७ सदस्यीय जनजाति सम्मेलनको नगर समिति गठन गरेको छ ।
समितिको उपाध्यक्षमा पदमबहादुर थापा, सचिवमा सिर्जना घले, सहसचिवमा पुण्य थापा र कोषाध्यक्षमा कुमारी थापा रहनुभएको छ ।
त्यस्तै सदस्यमा नवलसिंह थापा, सन्तबहादुर दरै, कमला तामाङ, मोहन रेश्मीमगर, विष्णु भुजेल, रवि भुजेल, रवि दरै, प्रेम गुरुङ, प्रेमबहादुर थापा र लक्ष्मी थापा तथा सल्लाहकारमा मितबहादुर रहनुभएको छ । सल्लाहकारको एक स्थान हाललाई रिक्त राखिएको छ ।
समितिलाई राजमो केन्द्रीय सदस्य राजेन्द्र ढुङ्गाना र जनजाति सम्मेलन चितवनका उपाध्यक्ष लालबहादुर थापाले बधाई तथा सफल कार्यकालको शुभकामना दिनुभएको थियो ।
