चेन्नई पश्चिम । मूल प्रवाह अखिल भारत नेपाली एकता समाज चेन्नई पश्चिम नगर समितिद्वारा संचालित अम्बतुर ‘बि’ एरिया समितिको विसौ सम्मेलन पछिको दोश्रो भेला सम्पन्न भएको छ ।
भेला अगस्त १५, २०२५ का दिन सम्पन्न भएको हो । भेलाले गंगा थापाको अध्यक्षतामा १३ सदस्सीय अम्बतुर ‘बि’ एरिया संगठन समितिको गठन गरेको छ । जसमाः उपाध्यक्ष– शशीराम थापा, सचिव– खुमान प्रसाद भण्डारी, सहसचिव– नर बहादुर थापा, कोषाध्यक्ष– बुद्धिराम पौडेल, सदस्यमाः छविलाल थापा, सत्या पुन, चन्द्रीका पौडेल, केशव थापा, वैकल्पिक सदस्यमा प्रेम परियार र कविराज परियार रहनुभएको छ । भेलाले राजु परियार र बिष्णु परियारलाई सल्लाहकार चयन गरेको छ।
भेला बुद्धिराम पौडेलको अध्यक्षता र गंगा थापाको सञ्चालनमा अघि बढेको थियो । भेलाको उद्घाटन केन्द्रीय सदस्य केशमान नेपालीले मैनबत्ती प्रज्वलित गरी तालीको गड्गडाहट बिच गर्नुभएको थियो । त्यस्तै किशोर शर्मा, डिल बहादुर जिएमले अतिथिको आतिथ्य गर्नुभएको थियो ।
भेलामा सहभागिहरूलाई खुमान प्रसाद भण्डारी र सांस्कृतिक बिभागका कलाकारहरुले स्वागत गर्नुभएको थियो ।
