पान्डिचेरी (भारत) । क्रान्तिकारी कम्युनिस्ट पार्टी समर्थित अखिल भारत नेपाली एकता समाज परित्याग गरी गणेशबहादुर केसी मूल प्रवाह अखिल भारत नेपाली एकता समामा प्रवेश गर्नुभएको छ ।
दक्षिण भारत क्षेत्रीय समितिका सल्लाहकार गोविन्द शर्माबाट अगस्त २, २०२५ का दिन सदस्यता लिँदै केसी मूल प्रवाहमा प्रवेश गर्नुभएको हो।
पान्डिचेरीमा मूल प्रवाहको स्थापनाकालदेखि नै काम गर्दै आउनुभएका केसी पुनः मूल प्रवाहमा प्रवेश गर्नुभएको हो ।
मूल प्रवाहको सदस्यता ग्रहण गर्ने क्रममा केसीले सङ्गठनभित्र मतभेद चलेका बेला पारिवारिक समस्या एवम् कतिपय साथीका बिचमा असमझदारी पैदा भएको हुँदा आफूले कथित अखिल भारत नेपाली एकता समाजको सदस्यता लिएको स्वीकार गर्नुभयो ।
‘तर उक्त सङ्गठनको सदस्यता लिएपछि न मलाई कुनै समितिमा आबद्ध गराइयो, न त सङ्गठनको नीतिसिद्धान्तको बारेमा जानकारी गराइयो’ केसीले भन्नुभयो– ‘पत्रपत्रिकामार्फत जानकारी पाएअनुसार उनीहरू सङ्गठनात्मक पद्धति, नीतिसिद्धान्त, परिवर्तनभन्दा पनि फुटपरस्त सोचका साथ काम गरेको पाएँ । अतः मलाई त्यहाँ रहन मन लागेन ।’
उहाँले अगाडि भन्नुभयो– ‘आज अगस्त २, २०२५ का दिन पान्डिचेरी नगरमा स्थापनाकालदेखि काम गर्दै आएको आफ्नो मूल सङ्गठन मूल प्रवाह अखिल भारत नेपाली एकता समाजको सदस्यता लिई पुनः आफ्नो घर र जिम्मामा प्रवेश गरेको छु ।’
