कावासोती । राष्ट्रिय जनमोर्चाकी सेमकुमारी महतोप्रति श्रद्धाञ्जली र शोकसन्तप्त परिवारमा समवेदना प्रकट गर्दै नवलपुरको गैँडाकोटमा २०७७ जेष्ठ २५ गते श्रद्धाञ्जली कार्यक्रम सम्पन्न भएको छ । कार्यक्रमको आयोजना राजमोको गैँडाकोट नगर समितिले गरेको थियो ।

मृतकको सम्मानमा एक मिनेट मौनधारणबाट सुरु गरिएको उक्त कार्यक्रममा अखिल नेपाल टे«ड युनियन महासङ्घ (अन्टुक) का का.वा. महासचिव शालिकराम सापकोटाले मन्तव्य राख्नुभएको थियो । खिलेश्वरी धितालको सञ्चालनमा अघि बढेको कार्यक्रममा राजमो नवलपुरका जिल्ला अध्यक्ष दिपक पाण्डेले मन्तव्यसहित लिखित समवेदना पत्र हस्तान्तरण गर्नुभएको थियो । परिवारको तर्फबाट रूपनारायण महतोले पनि शोकमन्तव्य राख्नुभएको थियो ।