नई दिल्ली । मूल प्रवाह अखिल भारत नेपाली एकता समाज नई दिल्ली नगर समितिद्वारा संचालित महिला विभागको प्रशिक्षणात्मक भेला सम्पन्न भएको छ । कार्यक्रम विवेकानन्द पार्क एन्ड्रुगन्जमा सम्पन्न भएको हो ।
भेलाको अध्यक्षता नगर संयोजक मायाँ कुँवरले, हेमा भन्डारीको सञ्चालनबाट कार्यक्रम अगाडि बढेको थियो । भेलामा केन्द्रीय अध्यक्ष ठाकुर खनालको प्रमुख आतित्थ्यता रहेको थियो ।
त्यस्तै उपाध्यक्ष कपिल खनाल, केन्द्रीय सदस्य तथा पश्चिमोत्तर क्षेत्रीय सचिव शिव केसी, केन्द्रीय सल्लाहकार बिन बहादुर कुँवर, क्षेत्रीय सदस्य तथा नई दिल्ली अध्यक्ष दिनेश पन्थी, क्षेत्रीय सदस्य तथा नगर सचिव विष्णु खनाल र महिला विभाग क्षेत्रीय संयोजक लक्ष्मी खडयातले अतिथि आसनग्रहण गर्नुभएको थियो ।
भेलामा महिलाहरूको शसक्तीकरण, प्रवासी नेपालीका हक–अधिकार, संगठनको आवश्यकता, सहि र बैचारिक संगठनको आवश्यकताकाबारेमा प्रशिक्षण गरिएको थियो ।
