दिल्ली । मूल प्रवाह अखिल भारत नेपाली एकता समाज सोनीपत नगर समितिका सदस्य गणेश भुसालको जुन १५, २०२५ का दिन असमायीक निधन भएको छ । वहाँ अर्घाखाँची भूमिकास्थान ६ खिल्जी निवासी हुनुहुन्छ ।

वहाँको निधनप्रति सोनीपत नगर समिति र दिल्ली नगर समितिले संयुक्त रुपमा शोक व्यक्त गरेको छ । वहाँको परिवारमा परेको आर्थिक समस्याप्रति ध्यान दिंदै दिल्ली नगर समितिले नेरु. सात हजार ३६० आर्थिक संकलन गरि सहयोग गरेको छ ।

त्यस्तै गणेश भुसालले नोकरी गर्दै आएको कम्पनी मालिकसँग समाजका कार्यकर्ताहरूले भेटवार्ता गरि नेरु. एक लाख २८ हजार दिलाएका छन् ।

सो रकम दिल्ली नगर समितिका अध्यक्ष सुनिल थापाले मृतककी श्रीमतीलाई हस्तान्तरण गर्नुभएको छ ।