राँची (भारत) । भारतको झारखण्ड प्रदेशको राँचीमा मूल प्रवाह अखिल भारत नेपाली एकता समाजको नगर समिति गठन भएको छ ।

केन्द्रीय अध्यक्ष ठाकुर खनालको उपस्थितिमा जुन १, २०२५ का दिन सम्पन्न भेलामाझ सो समिति गठन भएको हो ।

भेलाले चुमानलाल भण्डारी अध्यक्ष रहनुभएको ११ सदस्यीय राँची नगर समिति गठन गरेको छ ।

समितिको उपाध्यक्षमा दलबहादुर सुनार, सचिवमा प्रदीप सुवेदी, सहसचिवमा प्रकाश सुनार र कोषाध्यक्षमा लक्ष्मीदेवी जिएम रहनुभएको छ ।

त्यस्तै, सदस्यमा नरबहादुर सुनार र लालबहादुर सुनार, वैकल्पिक सदस्यमा विमला पुनमगर र तेजु जिएम तथा सल्लाहकारमा इन्द्रबहादुर थापा र तस्बिर पुन रहनुभएको छ ।