लोकप्रिय समाचार

कोरोना नियन्त्रणमा १० अर्ब खर्चः अनियमितताको आशंकामा तात्यो सामाजिक सञ्जाल !

  •   बिहिबार, जेठ २२, २०७७ मा प्रकाशित

    • काठमाडौं । सरकारले कोरोना नियन्त्रण तथा रोकथामका लागि अहिलेसम्म १० अर्ब रुपैयाँ खर्च भएको विवरण सार्वजनिक भएपछि सामाजिक सञ्जालमा चर्को असन्तुष्टि प्रकटक भएको छ ।

    Advertisement

    सामाजिक सञ्जाल प्रयोगकर्ताहरुले देशभर क्वारेन्टिनको अवस्था, कोरोना परीक्षण र नियन्त्रण लगायतको अवस्था हेर्दा राज्यकोषको चरम दुरुपयोग भएको आशंका गरेका छन् ।

    बुधबार बसेको कोरोना रोकथाम तथा नियन्त्रण उच्चस्तरिय समन्वय समिति बैठकले अहिलेसम्म ९ अर्ब ८७ करोड रुपैयाँ खर्च भएको विवरण सार्वजनिक गरेको थियो । अझै स्थानीय तहबाट भएको खर्चको विवरण नआएको बताइएको छ ।

    सरकारले लकडाउन घोषणा गरेको ७२ औं दिनमा करिब १० अर्ब रुपैयाँ कोरोना नियन्त्रणका लागि खर्च भइसकेको विवरण सार्वजनिक गर्दा कोरोना भाइरसको संक्रमणबाट मृत्यु भएका ९ जनामध्ये ७ जनाको मृत्यु पछि मात्रै कोरोना पुष्टि भएको रिपोर्ट आएको छ । अहिलेसम्म पीसीआर विधिबाट ८० हजारको परीक्षण भएको छ भने २३ बढी संक्रमित पुष्टि भएका छन् ।

    कोरोना नियन्त्रणका लागि १० अर्ब खर्च, लकडाउन अवज्ञा हुन थालेपछि खुकुलो पार्ने तयारी

    यो परिस्थितिमा भएको १० अर्ब खर्चको कुनै न कुनै बेला छानबिन हुने भन्दै डा. शेखर कोइराला लेखनुहुन्छः ‘जम्मा संक्रमित २३००, मृत्यु ९ जना । क्वारेन्टिनको गुणस्तर कस्तो छ र त्यहाँ रहेकाहरुले खानसम्म नपाएको कुरा सञ्चार माध्यमले देखाईसकेका छन् । अनी कोरोना नियन्त्रणमा सरकारी खर्च १० अर्ब ? यदि देशमा भ्रष्टाचार सम्बन्धी नियमन गर्ने निकाय छ भने कुनै दिन यो चरम राज्य लुटको हिसाबकिताब होलानी ।’

    यस्तै, रामेशको ट्विटलाई रिट्विट गर्दै प्रतापले ट्विटरमा लेख्नुभएको छ, ‘दुई हजार संक्रमित– १० अर्ब, २ लाख संक्रमित–१० खर्ब ? चोरलाई साँचो नै भो त ?’

    यसैगरी अर्का ट्विटर प्रयोगकर्ता नारायण अमृतले क्वारेन्टिनको फोटो सेयर गर्दै लेख्नुभएको छ, ‘समाचारः कोरोना व्यवस्थापनमा १० अर्ब सकियो ।, दृश्यः नेपालमा क्वारेन्टिको हालत ।,
    वास्तविकताः विडम्बना ।’

    यस्तै, फेसबुकमा पनि यसबारे चर्को बहस भइरहेको छ । फेसबुक प्रयोगकर्ता गोपालप्रसाद भट्टराईले लेख्नुभएको छ, ‘कोरोना उपचारमा १० अर्ब खर्च स्वभाविक वा अनियमितता ! तपाईंलाई के लाग्छ ?’

    मुगुमा प्लास्टिकले छाएर बनाइएको क्वारेन्टिन/तस्बिरः रासस

    भट्टराईको पोष्टमा थुप्रै कमेन्टहरु आएका छन् । त्यसमा कमेन्ट गर्दै मधु क्षेत्रीले आशंका गर्नुभएको छ, ‘जम्म संक्रमित २३०० खर्च १० अर्ब यो त सिधै अनियमित्ता….।’ यस्तै, कृष्ण आचार्यको पनि उस्तै आशंका छ, ‘स्वास्थ्य सामाग्री, व्यवस्थापन , परिक्षणले गर्दा होला तर यति धेरै त नहुनुपर्ने हो ।’

    सोही स्ट्याटसमा कमेन्ट गर्दै सरोज न्यौपाने स्ट्रगलले हिसाब निकाल्नुभएको छ, ‘कुल संक्रमित संख्या–२३००, सरकारी खर्च–१० अर्ब, प्रति संक्रमित खर्च–४४ लाख !’

    यद्यपी कतिपय सामाजिक सञ्जालका प्रयोगकर्ताले भनेको खर्च स्वभाविक भएको र यो कोरोना नियन्त्रण होस् भनेर खर्च गरिएको बताएका छन् ।

     

    बिहिबार, जेठ २२, २०७७ मा प्रकाशित
    तपाईको प्रतिक्रिया

    लोकप्रिय

    भर्खरै