कुवेत । वैदेशिक रोजगारका लागि कुवेत पुगेका एक नेपाली ठगी आरोपमा पक्राउ परेका छन् ।
कुवेतको क्रिमिनल सेक्युरिटी सेक्टर अन्तर्गतको आर्थिक अपराध नियन्त्रण विभागले उनलाई नियन्त्रणमा लिएको त्यहाँका सञ्चारमाध्यमहरूले जनाएका छन् । हाल उनको परिचय भने खुलाइएको छैन ।
प्रहरी अनुसन्धान अनुसार, आरोपीले आफ्नै समुदायका व्यक्तिहरूबाट बैंक कार्ड र सिम कार्ड खरिद गर्दै आएका थिए। उनको साथबाट ८ वटा बैंक कार्ड र ४ वटा सिम कार्ड बरामद गरिएको गरेको थियो ।
सोधपुछमा उनले थप सामग्री घरमा रहेको स्वीकार गरेपछि प्रहरीले घरमा छापा मार्दा १२ वटा थप बैंक कार्ड, १६ वटा सिम कार्ड, बैंकसम्बन्धी कागजातहरू र खाली सिमहरू फेला पारेको थियो ।
आरोपीले यी कार्डहरू एक साथीसम्म पुर्याउने र ती साथीद्वारा विदेश पठाइने स्वीकार गरेका छन्। ती कार्डहरू प्रयोग गरी अनलाइन वा अन्य माध्यमबाट बैंक ठगी गरेर सर्वसाधारणको पैसा चोर्ने योजना बनाइएको थियो।
पक्राउ परेका नेपाली नागरिकलाई सार्वजनिक अभियोजनमा पठाइएको छ र कानुनी कारबाही अगाडि बढाइएको छ।
यसबारे अन्तर्राष्ट्रिय अनुसन्धान पनि चलिरहेको छ र अन्य संलग्न व्यक्तिहरूको खोजीमा कुवेती अधिकारीहरूले अन्तर्राष्ट्रिय निकायहरूसँग समन्वय गरिरहेका छन्।
