नागाल्यान्ड (भारत) । मूल प्रवाह अखिल भारत नेपाली एकता समाज कोहिमा नगर समितिको सातौं नगर सम्मेलनले नगर समिति पुनर्गठन गरेको छ ।
भीम श्रेष्ठको अध्यक्षतामा १९ पूर्ण, ६ वैकल्पिक र ६ सल्लाहकार समिति चयन भएको हो ।
समितिको उपाध्यक्षमा दलबहादुर खत्री, सचिवमा प्रेम बहादुर परियार, सहसचिवमा सन्दिप परियार र कोषाध्यक्षमा पर्शुराम पौडेल रहनु भएको छ ।
सदस्यहरूमा इन्द्रबहादुर परियार, चुडामणि परियार, कमल परियार, खिम प्रसाद आचार्य, राम न्यौपाने, हरिबहादुर विक, अर्जुन कुमार तामाङ, पदम विक, प्रेम रायमाझी, राजु पौडेल, मनबादुर गुरुङ, धन बहादुर विक, सूर्य बहादुर परियार र तेज बहादुर थापा रहनुभएको छ ।
यस्तै, वैकल्पिक सदस्यमा चन्द्र श्रेष्ठ, धन बहादुर विक, पूर्णिमा सापकोटा, विजय घर्ती रहनुभएको छ भने एक स्थान रिक्त राखिएको छ ।
भेलाले रविन्द्र सुनार, मीन बहहादुर गुरुङ, अर्जुन बहादुर विक, पुरण पौडेललाई सल्लाहकार चयन गरेको छ । सल्लाहकारको एक स्थान रिक्त राखिएको छ ।
नवनिर्वाचित समितिलाई मूल प्रवाहका महासचिव प्रेम पौडेल, उपाध्यक्ष कपिल खनाल, केन्द्रीय सदस्य हिमलाल सापकोटा, पश्मिोत्तर क्षेत्रीय सदस्य लक्ष्मी खडायत र सांस्कृतिक विभागबाट निरु थापाले बधाई तथा शुभकामना दिनुभएको थियो ।
कार्यक्रममा अध्यक्ष भीम श्रेष्ठले आफ्नो मन्तव्य सहित सपथ लिनुभएको थियो भने हरि बहादुर विवकले धन्यबाद ज्ञापन गर्नु भएको थियो ।
कार्यक्रममा केन्द्रीय सदस्य गम बहादुर विकलाई सम्मान सहित बिदाई गरिएको थियो । उहाँलाई महासचिव प्रेम पौडेलले दोसल्ला ओढाएर स्मृति चिन्ह प्रदानन गर्नुभएको थियो ।
साथै विनिता भण्डारीलाइ केन्द्रीय उपाध्यक्ष कपिल खनालले दोसल्ला ओढाउनुका साथै स्मृति चिन्ह प्रदान गर्नुभएको थियो ।
नगर सम्मेलनको उद्घाटन गर्दै मूल प्रवाहका महासचिव प्रेम पौडेलले नेपालसाम्राज्यवादी हस्तक्षेपका कारण राष्ट्रियता माथिनै गम्भीर खतरा उत्पन्न भएको बताउनुभयो ।
सरकारले राष्ट्र र जनताको हितमा काम गर्नु भन्दापनि आफ्ना नागरिकलाई भाडाका मजदुरको रुपमा विदेश पठाएर उनीहरूबाट प्राप्त हुने रेमिट्यान्सबाट मोज गर्ने प्रवृत्तिका कारण मुलुक रित्तिने र आर्थिक रुपमा टाटपल्टिने अवस्था सिर्जना भएको बताउनुभयो ।
पौडेलले देशको राष्ट्रियता र लोकतन्त्रको रक्षा तथा संघीयता खारेजीका लागि प्रवासी नेपालीले सक्दो भूमिका खेल्नुपर्ने बताउनुभयो ।
भीम श्रेष्ठको अध्यक्षता तथा सन्दीप परियारको सञ्चालनमा अघि बढेको कार्यक्रममा इन्द्र परियारको स्वागत गर्नुभएको थियो ।
कार्यक्रममा एकता समाजका उपाध्यक्ष कपिल खनाल, केन्द्रीय सदस्य हिमलाला सपकोटा, केन्द्रीय सदस्य गमबहादुर सुनार, पस्चिमोत्तर क्षेत्रीय सदस्य लक्ष्मी खडाएत र सांस्कृतिक विभागबाट निरु पुनले सम्मेलन सफलताको शुभकामना दिनुभएको थियो ।
दोश्रो दिन ३ मइ २०२५ का दिन इन्द्र परियारको अध्यक्षता, गम बहादुर सुनारको सन्चालनमा अघि बढेको बन्द सत्रमा प्रेम बहादुर सुनारले स्वागत गर्नुभयो ।
घोषणा सभामा केन्द्रीय सदस्य हिमलाल सापकोटाले नयाँ निर्वाचित समितिको घोषणा गर्नुभएको थियो ।
कार्यक्रमा रक्तिम परिवारका कलाकारहरूले विभिन्न सांस्कृतिक कार्यक्रम प्रस्तुत गरेका थिए ।
