चेन्नई (भारत) । प्युठान स्वर्गद्वारी नगरपालिका वडा नम्बर ४ केप निवासी वीरबहादुर नेपालीका ४० वर्षीय छोरा शिवराज नेपालीको हृदयघातबाट निधन भएपछि दाहसंस्कार गरिएको छ ।
रोजगारीको सिलसिलामा तमिलनाडुको चेन्नईस्थित अल्वारपेटको पोइसगार्डन एक घरमा सेक्युरिटी गार्डको काम गर्दै आएका नेपालीको अप्रैल ११, २०२५ का दिन आफ्नै कोठामा हृदयघातका कारण निधन भएको हो ।
मूल प्रवाह अखिल भारत नेपाली समाज चेन्नई उत्तरका कोटिप्रसाद पोखरेल, विष्णु विक, मुकेश नेपालीसहितको टोली घटनास्थल, पुलिस स्टेसन र हस्पिटलको सबै प्रक्रिया पूरा गरिएको थियो ।
भोलिपल्ट अप्रैल १२ का दिन करिब ५ः३० बजेतिर मूल प्रवाह र आफन्तजनको उपस्थितिमा कृष्णपेट घाटमा दाहसंस्कार गरिएको थियो ।
घाटमा दक्षिण भारत क्षेत्रीय समितिका सदस्य तथा चेन्नई उत्तर नगर समितिका अध्यक्ष गोपाल विक, सहसचिव विष्णु सुनार, सदस्यहरू रवि अधिकारी, विष्णुबहादुर थापाक्षेत्री, सदस्य एकेन्द्र नेपाली, सुमित्रा रोकामगर, दानी सुनार, रेखा सुनार, विष्णु नेपाली, शेरबहादुर नेपाली, फनिराम सुनार, रामचन्द्र, किशोर नेपाली, राम नेपाली, चोपबहादुर ठकुरी, सन्जु नेपाली, प्रकाश नेपाली, राजु नेपाली, हिमलाल सार्की, बमबहादुर नेपाली, निम्चोन नेपाली, रामबहादुर नेपाली, कृष्ण नेपाली, समबहादुर नेपाली, रमेश नेपाली, तुलसीराम राहुल, सुरेश विक, पुनराम नेपाली, कमल रोका र समबहादुर नेपालीको उपस्थिति रहेको थियो ।
विष्णुबहादुर थापाको नेतृत्वको टोलीले मालिकसँग वार्ता गरी मालिकले दाहसंस्कारको सबै खर्चसहित सहयोग गर्ने आश्वासन दिएको जानकारी गराउनुभयो ।
कार्यक्रममा मूल प्रवाह उत्तर नगर समितिले मृतकप्रति श्रद्धाञ्जलीका साथै शोकाकुल परिवारजनमा समवेदना प्रकट गरेको जानकारी गराएको थियो ।
