खिमराज चालिसे चन्डिगढ (भारत) ।
भारतको जालन्धरमा मूल प्रवाह अखिल भारत नेपाली एकता समाजको टोल समिति गठन भएको छ ।
सोडल एरियामा मार्च १६, २०२५ का दिन सम्पन्न भेलाले सो समिति गठन गरेको हो ।
मूल प्रवाहका नगर सदस्य रामु विकको पहलमा आयोजित सो टोल भेलामा केन्द्रीय सचिव कुलबहादुर बगालेले विधान तथा घोषणापत्रबारे प्रकाश पार्नुभएको थियो ।
केन्द्रीय वैकल्पिक सदस्य धनबहादुर गोर्खाली, केन्द्रीय सल्लाहकार जितमान थापा, केन्द्रीय परिषद् सदस्य लक्ष्मण खड्का र जमुना गाहा, नगर समितिका सदस्य खेम बसेल र चन्द्र बस्याललगायतको सक्रियतामा सम्पन्न भेलाले १५ सदस्यीय साइपुर टोल समिति गठन गरेको छ ।
समितिको अध्यक्षमा जुना सुनार, उपाध्यक्षमा सुरज विक, सचिवमा सुशीला थापा, सहसचिवमा अनु विक र कोषाध्यक्षमा गोमा विक रहनुभएको छ ।
त्यस्तै, सदस्यमा सरिता विक, लक्ष्मी विक, सुस्मिता थापा, सम्झना विक, शान्ति सुनार, सुनिता विक, विक्कीकुमार विक, सुमन विक, श्यामकुमारी विक र मीना बस्याल रहनुभएको छ ।
