खिमराज चालिसे, चंडिगढ ।
भारतको पंजाब राज्यको लुधियानामा कार्यरत थुप्रै नेपालीहरू मूल प्रवाह अखिल भारत नेपाली एकता समाजमा संगठित भएका छन् ।
मूल प्रवाहले आगामी चैत २४ गतेदेखि सुरु हुने संघीयता विरुद्धको काठमाठौँ केन्द्रित आन्दोलनको प्रचारका क्रममा आयोजना गरेको ऐक्यवद्धता सभामा ती नेपालीहरू मूल प्रवाहमा प्रवेश गरेका हुन् ।
नवप्रवेशीहरू रोहित आउजी, सिद्र सिंह आउजी, किसन परियार, उदय सिंह आउजी, नयन आउजी, ईश्वरी सिंह, सुनिता आउजी, विक्रम आउजी, रमेश नेपाली, झन्टे तिरुवा, उजले तिरुवालाई मूल प्रवाहका केन्द्रीय सदस्य दिनेश खडकाले अबीर र टीका लगाएर स्वागत गर्नुभएको थियो ।
मूल प्रवाह लुधियाना सिटि र फोकलपाईन्ट नगरको संयुक्त आयोजनामा सम्पन्न कार्यक्रममा प्रमुख अतिथी खड्काले मूल प्रवाहको संगठनको गरिमामय दाहित्व र नेपालमा संघीयता विरुद्धको काठमाडौँ केन्द्रित आन्दोलनको ऐतिहासिक महत्वबारे प्रकाश पार्नु भएको थियो ।
अर्का अतिथि मूल प्रवाह केन्द्रीय सचिव कुल बहादुर बगालेले काठमाडौँ केन्द्रीत संघियता खारेजीको आन्दोलनमा चैत्र २४ देखि ३० सम्म सहभागी हुन र आर्थिक, नैतिक सहयोग गर्न समेत आह्वान गर्नु भयो ।
सभामा बोल्ने अन्य वक्ताहरूमा मूल प्रवाह केन्द्रीय वैकल्पिक सदस्य रामचन्द्र पौडेल, केन्द्रीय सल्लाहकार राज कुमार शाही, सुदूर पश्चिमोत्तर क्षेत्रीय सदस्य राज कुमार अधिकारी र उदय सिंह चन्द, अर्जुन कार्की, महिला क्षेत्रीय सदस्यहरू वसन्ती थापा र दिपा चन्द, एरिया अध्यक्ष ईन्द्र सिह नागरी लगाएत हुनुहुन्थ्यो।
बिनीराम पुरीको अध्यक्षतामा तथा गोविन्द परियारको सञ्चालनमा सम्पन्न कार्यक्रममा मानबहादुर थापाले स्वागत गर्नु भएको थियो ।
