खिमराज चालिसे, चण्डिगढ (भारत) ।
मूल प्रवाह दक्षिण भारत क्षेत्रीय समितिद्वारा सञ्चालित पश्चिम चेन्नई नगर सदस्य भविलाल थापाको निधन भएको छ ।
५४ वर्षीय थापाको हिजो (२२ फरवरी २०२५) का दिन निधन भएको हो ।
थापा मूल प्रवाह अखिल भारत नेपाली एकता समाज चेन्नैको १७ औँ संयुक्त नगर सम्मेलनबाट पश्चिम नगर समितिमा वैल्पिक सदस्यको रुपमा निर्वाचित हुनुभएको थियो। उहाँको आफू कार्यरत कम्पनीको कोठामा सुतिरहेको अवस्थामा निधन भएको मूल प्रवाह चेन्नई पश्चिम नगर समितिले जनाएको छ । थापाप्रति मूल प्रवाहले श्रद्धाजली अर्पण गरेको छ ।
शुक्रबार आयोजित शोकसभामा उहाँको स्मरण गर्दै २ मिनट मौनधारण गरियो । मूल प्रवाह दक्षिण भारत क्षेत्रीय सचिवालय सदस्य तथा चेन्नई पश्चिम नगर अध्यक्ष बुद्धिराम पौडेलको सञ्चालनमा भएको शोक सभामा मृतकका आफन्त तथा मूल प्रवाह केन्द्रीय सदस्य एवं दक्षिण भारत क्षेत्रीय समितिका अध्यक्ष चन्द्रबहादुर थापा, दक्षिण भारत क्षेत्रीय सदस्य हरि प्रसाद शर्मा तथा समाजसेवी महेन्द्र बस्यालले संक्षिप्त शोक मन्तव्य राख्नुभएको थियो।
शवयात्रामा मूल प्रवाह केन्द्रीय सदस्य केशमान नेपाली, काशिराम शर्मा, दक्षिण भारत क्षेत्रीय सचिवालय सदस्य तथा चेन्नई पश्चिम नगर अध्यक्ष बुद्धिराम पौडेल, हरिप्रसाद शर्मा, नगर उपाध्यक्ष प्रकाशबहादुर नेपाली, सचिव किशोर शर्मा, सदस्यहरु खुमनप्रसाद भण्डारी, रविलाल नेपाली, रामु नेपाली, नरबहादुर थापा, सत्या पुन, समाजसेवी हेमराज रिजाल, ईष्ट मित्रहरुमा यामबहादुर नेपाली, दिलकुमार नेपाली, भिमबहादुर रोका, दिपक नेपाली, दिनेश थापा, धनिराम गोराथोकी, जागेश्वर गोराथोकी, कृष्ण थापा, सीमा थापा, राकेश शर्मा, हरी तरामी, गिरी नेपाली गंगाबहादुर थापा, आफन्तजन चन्द्र बहादुर थापा, शशीराम थापा लगाएत हुनुहुन्थ्यो।
मूल प्रवाह अखिल भारत नेपाली एकता समाज केन्द्रीय अध्यक्ष ठाकुर खनालले शोक विज्ञप्ति प्रकाशित गर्नुभएको छ । यस्तै, दक्षीण भारत क्षेत्रीय समिति एवम् नगर समिति पश्चिम चेन्नईले पनि मृतकका परिवारप्रति समवेदना प्रकट गरेका छन्।
स्मृतीशेष भविलाल थापा कालीगण्डकी गाँउपालिका–६ साविक खड्गकोट गुल्मीबाट बसाई सराई गरि तिनाउ गाउँपालिका–३, पाल्पा स्थायी बसोबास भै रोजिरोटीको शिलशिलामा चेन्नईको टेलिफोन एक्सचेन्ज अम्बतुरको कार्यरत हुनुहुन्थ्यो ।
