रामप्रसाद पौडेल, वर्धा (भारत) ।
भारत महाराष्ट्रको वर्धामा मूल प्रवाह अखिल भारत नेपाली एकता समाजको भेला सम्पन्न भएको छ ।
मध्यदक्षिण क्षेत्रीय समितिअन्तर्गत पर्ने सो नगर समितिको भेला फेब्रुअरी २, २०२५ का दिन सम्पन्न भएको हो ।
केन्द्रीय सल्लाहकार सदस्य तथा क्षेत्रीय समितिका उपाध्यक्ष रूपलाल घर्तीको प्रमुख आतिथ्यमा अघिबढेकोभेलामा उहाँले उद्घाटन र उद्घाटन मन्तव्य राख्नुभएको थियो ।
सो अवसरमा उहाँले मूल प्रवाहले बाटो नदेखेकालाई बाटो देखाउने तथा अन्धकारमा बाँच्न बाध्य पारिएका नेपालीलाई ज्ञानरूपी ज्योतिले उज्यालो पार्ने काम गर्दै आइरहेको बताउनुभयो ।
कार्यक्रममा वर्धा नगर समितिका संस्थापक मणिरत्न अधिकारी र मूल प्रवाहका छविकला अधिकारीको आतिथ्य रहेको थियो ।
कार्यक्रमको सञ्चालन विजय विष्टले, अध्यक्षता शेरबहादुर खड्काले र स्वागत मन्तव्य तिलकराम नेपालीले गर्नुभएको थियो ।
भेलाले विजय विष्ट अध्यक्ष रहनुभएको नौ सदस्यीय मूल प्रवाहको वर्धा नगर समिति चयन गरेको छ ।
समितिको उपाध्यक्षमा शेरबहादुर खड्का, सचिवमा उमादेवी विष्ट, सहसचिवमा योजना विष्ट, कोषाध्यक्षमा तिलकराम नेपाली तथा सदस्यमा नेत्रबहादुर बुढाथोकी, यामबहादुर विष्ट, कमला नेपाली र भावना खड्का रहनुभएको छ ।
